Qurmanǵazy Orynǵazyuly Esqazıev V.I.Lenın atyndaǵy Qazaq polıtehnıkalyq ınstıtýtynyń munaı fakýltetin geolog-taý-ken ınjeneri mamandyǵy boıynsha bitirdi.
2006 jyly Tomsk polıtehnıkalyq ýnıversıtetinde dıssertasııa qorǵap, «geologııa-mıneralogııa ǵylymdarynyń kandıdaty» biliktilik dárejesin ıelendi.
2021 jyly I.M.Gýbkın atyndaǵy Reseı memlekettik munaı jáne gaz ýnıversıtetinde dıssertasııa qorǵap, «geologııa-mıneralogııa ǵylymdarynyń doktory» ǵylymı dárejesin aldy. Ol sondaı-aq Ál-Farabı atyndaǵy ǵylym men tehnıka salasyndaǵy QR Memlekettik syılyǵynyń laýreaty, I.M.Gýbkın atyndaǵy Reseı munaı jáne gaz memlekettik ýnıversıtetiniń «Munaı men gazdy izdeý-barlaý» kafedrasynyń professory atandy.
О́ziniń eńbek jolyn 1985 jyly «Embaneft» óndiristik birlestiginde operator-kollektor bolyp bastaǵan. Onda operatorlyqtan bastap «Embimunaıgaz» AQ bas dırektoryna deıingi óndiristik qyzmettiń barlyq satysynan ótti.
2006 - 2008 jyldar aralyǵynda «QazMunaıGaz» Barlaý О́ndirý» AQ geologııa jáne ıgerý departamenti dırektorynyń orynbasary, dırektory boldy.
2008 jyldan bastap 2015 jylǵa deıin «QazMunaıGaz» UK AQ-da munaı jáne gaz óndirý jónindegi atqarýshy dırektor, geologııa, geofızıka jáne rezervýarlar jónindegi basqarýshy dırektor, bas geolog, basqarma tóraǵasynyń geologııa jáne keleshek jobalar jónindegi orynbasary, operasııalyq emes aktıvter (Teńiz, Qashaǵan, Qarashyǵanaq) jónindegi basqarýshy dırektor, geologııa jónindegi basqarýshy dırektor qyzmetterin atqardy.
2015-2018 jyldar aralyǵynda – «Embimunaıgaz» AQ bas dırektory, «QazMunaıGaz» Barlaý О́ndirý» AQ bas dırektory bolǵan.
2018-2020 jyldar aralyǵynda «QazMunaıGaz» UK AQ basqarma tóraǵasynyń barlaý, óndirý jáne munaı servısi jónindegi orynbasary, «QazMunaıGaz» UK AQ basqarma tóraǵasynyń geologııa jáne barlaý jónindegi orynbasary bolyp qyzmet etti.
2020 jyldan bastap «QazMunaıGaz» Barlaý О́ndirý» AQ bas dırektory, al 2022 jyldyń aqpanynan «QazMunaıGaz» UK AQ basqarma tóraǵasynyń barlaý jáne óndirý jónindegi orynbasary boldy.
Aıta ketsek, Alık Aıdarbaevtyń basqarma tóraǵasy retindegi ókilettigi bergen ótinishi boıynsha merziminen buryn toqtatylǵan edi.
