Qyzylorda oblysy Polısııa departamentiniń patrýldik polısııa rotasynyń ınspektorlary 9 sáýir kúni saǵat 04:50-de Samara – Shymkent tas jolynyń 1 356 shaqyrymynda patrýldeý kezinde jol qozǵalysy erejesin buzǵan jeńil kólikti toqtatqan.
Quqyq buzýshylyq boıynsha ákimshilik hattama rásimdeý barysynda kóliktiń júk salǵyshynan jolaýshyǵa tıesili qapqa salynǵan erekshe ıisi bar shóp untaqtary anyqtaldy. Saraptama qorytyndysyna sáıkes, anyqtalǵan zat salmaǵy 10 keli 160 gr keptirilgen marıhýana ekeni belgili boldy, bul asa iri mólsherge jatady.
Kúdikti ýaqytsha ustaý ızolıatoryna qamaldy. Onyń Oral qalasynyń týmasy ekeni anyqtaldy. Atalǵan derek boıynsha QR QK-niń 297-babymen (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) sotqa deıingi tergep-tekserý áreketteri júrgizilýde.
