Jezqazǵan qalasy Polısııa basqarmasynyń tergeýshileri alaıaqtyqtyń faktisi boıynsha 116 qylmystyq isti sotqa joldady.
2020-2022 jyldar aralyǵynda Qaraǵandy oblysynyń Jezqazǵan qalasynyń PB tergeý bólimine 116 sharýa qojalyqtarynyń ıeleri aryzben júgingen. Olardyń barlyǵy belgili bir tulǵalardyń alaıaqtyq áreketteriniń qurbany bolǵan.
Alaıaqtar zardap shekkenderdiń árqaısysyna quny 2,5 mln teńge qarda júretin kólik pen quny 300 myń teńge bolatyn kıiz úıdi tegin jetkizýdi usynǵan. Bul rette qaskúnemder sharýa qojalyqtaryna agroónerkásiptik keshen sýbektilerin sýbsıdııalaý qaǵıdalary aıasynda shyǵyndardyń bir bóligi óteledi dep málimdegen. Aýyl turǵyndarynyń senimin arttyrý úshin olar keńse ashyp, úgit-nasıhat jáne túsindirý jumystaryn júrgizip otyrǵan. Olardyń keltirgen shyǵyny 37 mln teńgeni qurady.
«QR QK 190-baby (Alaıaqtyq) boıynsha qylmystyq is qozǵaldy. Jedel-izdestirý is-sharalary barysynda polısııa qyzmetkerleri 28-34 jastaǵy Nur-Sultan qalasynyń úsh turǵynyn ustady. Olar Qaraǵandy oblysynyń sharýa qojalyqtarynyń ıelerine tıesili qarajatty zańsyz ıelenýmen baılanysty qylmystyq nıetpen uıymdastyrǵandaryn moıyndady. Qazirgi ýaqytta barlyq qajetti tergeý áreketteri júrgizilip, dáleldemeler bazasy bekitilgennen keıin qylmystyq is sotqa qaraýǵa jiberildi», delingen habarlamada.
