Medısına • 12 Sáýir, 2022

Qazaqstanda klınıkalyq dárigerler jetispeıdi

25 ret kórsetildi

Premer-Mınıstrdiń orynbasary Eraly Toǵjanov aýrýhanalardyń klınıkalyq personalynyń tapshylyǵymen kúresý boıynsha qabyldanyp jatqan sharalar týraly aıtty, dep habarlaıdy Egemen.kz.

«Kadrlyq áleýetti taldaý aýdandyq aýrýhanalarda ǵana emes, qalalyq jáne oblystyq deńgeılerde de kadr tapshylyǵyn kórsetti. Bilikti mamandarmen qamtamasyz etý maqsatynda jyl saıyn rezıdentýrada klınıkalyq mamandyqtar boıynsha kadrlar daıarlaýǵa memlekettik bilim berý tapsyrysy bólinedi. 2021 jyly memlekettik bilim berý tapsyrysy aıasynda 1500 oryn bólindi, onyń ishinde 26 nevrolog, 200 anestezıolog-reanımatolog, 18 neırohırýrg», dedi Eraly Toǵjanov depýtattyq saýalǵa bergen jaýabynda.

Onyń aıtýynsha, medısına kadrlarynyń biliktilik deńgeıin arttyrý úshin jyl saıyn respýblıkalyq bıýdjetten medısına qyzmetkerleriniń kásibı deńgeıin arttyrýǵa qarajat bólinedi. Atap aıtqanda 2020 jyly biliktilikti arttyrýdan 10578 dáriger ótti, onyń ishinde 743 anestezıolog-reanımatolog, 269 nevrolog, 49 medısınalyq reabılıtolog, 34 neırohırýrg.

«2021 jyly jergilikti bıýdjet sheńberinde shetelde 161 maman oqydy, sheteldiń jetekshi mamandarynyń qatysýymen master-klasstarda 734 adam oqydy, onyń ishinde 30 adam «Jumys isteýdiń halyqaralyq jiktemesi negizinde ońaltý dıagnozyn qoıýmen ınsýlt alǵan naýqastardy ońaltýdaǵy mýltıdıssıplınarlyq tásil» (RF), 11 adam «Jumys isteýdiń halyqaralyq jiktemesi» taqyrybynda oqytyldy. Bıyl «Insýlt kezinde medısınalyq kómek kórsetý» baǵyty boıynsha 154 dáriger (nevrolog, medısınalyq reabılıtolog, neırohırýrg) jáne 220 orta medısınalyq qyzmetker oqytý kózdelgen», dep túıindedi sózin Premer-Mınıstrdiń orynbasary.

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar