Otyrystyń kún tártibinde IT-salasyn qoldaý jáne damytý máselesi talqylandy.
Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsınniń aıtýynsha, mınıstrlik qalyptasqan jaǵdaıǵa turaqty negizde taldaý júrgizip jatyr jáne sarapshylar qaýymdastyǵymen birlesip, otandyq aqparattyq tehnologııalar salasyn qoldaý boıynsha birqatar usynys ázirledi.
Atap aıtqanda IT-mamandaryna áskerı qyzmetti keıinge qaldyrý, otandyq IT-sheshimderdi engizý úshin jeńildikti kredıt berý, «Astana Hub»-ta eksaýmaqtylyq qaǵıdaty boıynsha salyq preferensııalarynyń qoldanylýyn 2029 jylǵa deıin uzartý usynylady.
Qazaqstanda jumys isteýge qyzyǵýshylyq tanytatyn IT-mamandarynan kelip túsetin saýaldarǵa jedel jaýap berý úshin arnaıy jumys toby quryldy, onyń quramyna «Astana Hub» halyqaralyq IT-startaptar tehnoparkiniń, «Azamattarǵa arnalǵan úkimet» KEAQ, Nur-Sultan jáne Almaty qalalary ákimdikteriniń ókilderi kirdi.
Jumys tobynyń qyzmeti aıasynda Qazaqstanǵa kelýge múddeli kompanııalarmen qarym-qatynas jolǵa qoıylǵan. О́zekti aqparatty alý úshin elge kirý, turý jáne kompanııa ashý týraly, sondaı-aq IT-salasyn memlekettik qoldaý sharalary týraly tolyq nusqaýlyqtary bar veb-saıt quryldy. Áleýmettik jelilerde qatysýshylar bıznesti júrgizýge qatysty suraqtarǵa shuǵyl túrde jaýap ala alatyn top quryldy. IT-kompanııalardy kóshirý kezinde qoldaý kórsetetin beıindi vedomstvolarmen jumys retke keltirildi.
Otyrysty qorytyndylaı kele Úkimet basshysy Álıhan Smaıylov múddeli memlekettik organdarmen atalǵan qoldaý sharalaryn pysyqtaýdy tapsyrdy.
