Qazaqstan Respýblıkasy Sport jáne dene shynyqtyrý isteri agenttiginiń buıryǵy №464

2013 jylǵy 12 jeltoqsan Astana qalasy Qazaqstan Respýblıkasy Sport jáne dene shynyqtyrý isteri agenttigi memlekettik qyzmetshileriniń qyzmet etıkasynyń qaǵıdalaryn bekitý týraly Qazaqstan Respýblıkasy Prezıdentiniń 2005 jylǵy 3 mamyrdaǵy № 1567 Jarlyǵymen bekitilgen Qazaqstan Respýblıkasy memlekettik qyzmetshileriniń Ar-namys kodeksine sáıkes memlekettik qyzmetshilerdiń jalpy jurt qabyldaǵan etıka normalary men memlekettik qyzmettiń erekshelikterinen týyndaıtyn negizgi minez-qulyq erejelerin saqtaý maqsatynda buıyramyn: 1. Qosa berilip otyrǵan Qazaqstan Respýblıkasy Sport jáne dene shynyqtyrý isteri agenttigi memlekettik qyzmetshileriniń qyzmet etıkasynyń qaǵıdalary bekitilsin. 2. Ákimshilk jáne kadr jumysy (Ǵ.T.Ábilova) osy buıryqtyń zańnamada belgilengen tártippen Qazaqstan Respýblıkasy Ádilet mınıstrliginde memlekettik tirkelýin jáne resmı jarııalanýyn qamtamasyz etsin. 3. Jaýapty hatshy Q.Ǵ. Káken qyzmetkerlerdiń qyzmet etıkasyn saqtaý tártibin qamtamasyz etsin. 4. Osy buıryq resmı jarııalanǵan kúninen keıin on kúntizbelik kún ótken soń qoldanysqa engiziledi. Tóraǵa      T. ESENTAEV. Qazaqstan Respýblıkasy Sport jáne dene shynyqtyrý isteri  agenttigi tóraǵasynyń 2013 jylǵy 12 jeltoqsandaǵy № 464 buıryǵymen bekitildi Qazaqstan Respýblıkasy Sport jáne dene shynyqtyrý isteri agenttigi memlekettik qyzmetshileriniń qyzmet etıkasynyń qaǵıdalary 1. Qazaqstan Respýblıkasy Sport jáne dene shynyqtyrý isteri agenttigi memlekettik qyzmetshileriniń qyzmet etıkasynyń qaǵıdalary (budan ári – Qaǵıda) Qazaqstan Respýblıkasy Prezıdentiniń 2013 jylǵy 1 qazandaǵy № 651 «Qazaqstan Respýblıkasy memlekettik qyzmetshileriniń ar-namys kodeksi týraly» 2005 jylǵy 3 mamyrdaǵy № 1567 Jarlyǵyna ózgerister engizý týraly» Jarlyǵynyń 2-tarmaǵyna, «Memlekettik qyzmet týraly, «Sybaılas jemqorlyqqa qarsy kúres týraly» Qazaqstan Respýblıkasynyń Zańdaryna sáıkes ázirlendi. 2. Qaǵıda Qazaqstan Respýblıkasy Sport jáne dene shynyqtyrý isteri agenttigi memlekettik qyzmetshileriniń óziniń qyzmettik mindetterin oryndaý barysynda, áriptesterimen jáne azamattarmen qarym-qatynastarynyń minez-qulyǵynyń negizgi normalaryn belgileıdi. 3. Memlekettik qyzmetshiler: 1) zańdylyq qaǵıdatyn, Qazaqstan Respýblıkasy Konstıtýsııasynyń, zańdary men ózge de normatıvtik quqyqtyq aktileriniń talaptaryn basshylyqqa alýǵa; 2) adal, ádil, qarapaıym bolýǵa, jalpy qabyldanǵan moraldyq-etıkalyq normalardy saqtaýǵa, azamattarmen jáne áriptesterimen qarym-qatynasta sypaıylyq pen ádeptilik tanytýǵa; 3) memlekettik jáne eńbek tártibin buljytpaı saqtaýǵa, berilgen ókilettikterdi tıimdi ıelenýge; óziniń qyzmettik mindetterin adal, týrashyl jáne sapaly atqarýǵa, jumys ýaqytyn utymdy paıdalanýǵa; 4) qarapaıymdylyq tanytýǵa, óziniń is-áreketterimen qoǵam tarapynan negizdi synǵa sebep týǵyzbaýǵa; 5) jeke jáne zańdy tulǵalardyń quqyqtaryn, bostandyqtary men zańdy múddelerin saqtaý men qorǵaýdy qamtamasyz etýge, olardyń ótinishterin qaraý kezinde tóreshildik pen sózbuıdaǵa salý kórinisterine jol bermeýge, ótinishter boıynsha belgilengen merzimde qajetti sharalar qoldanýǵa; 6) qaramaǵyndaǵy memlekettik qyzmetshilerden olardyń qyzmettik mindetterinen tys tapsyrmalar oryndaýdy talap etpeýge; basqa adamdardy quqyqqa qaıshy teris qylyqtar jasaýǵa májbúrlemeýge; 7) basqa memlekettik qyzmetshiler tarapynan qyzmet etıkasy normalaryn buzý faktilerin boldyrmaýǵa jáne olardyń jolyn kesýge; 8) ujymda iskerlik ózara qarym-qatynasty jáne syndarly yntymaqtastyqty ornatý men nyǵaıtýǵa yqpal jasaýǵa; 9) basshylardyń tapsyrmalaryn oryndaý barysynda tek obektıvti ári anyq málimetter berýge; 10) ujymda iskerlik ózara qarym-qatynasty jáne syndarly yntymaqtastyqty ornatý men nyǵaıtýǵa yqpal jasaýǵa; 11) qyzmettik mindetterin tıimdi atqarý úshin óziniń kásibı deńgeıi men biliktiligin arttyrýǵa; 12) qyzmettik mindetterin atqarý kezeńinde kıimniń iskerlik qalpyn ustanýǵa; 13) Qazaqstan Respýblıkasynyń zańdarynda belgilengen shekteýler men tyıymdardy saqtaýy tıis. 4. Memlekettik qyzmetshiler sybaılas jemqorlyq kórinisterine qarsy turýǵa, sybaılas jemqorlyq quqyq buzýshylyqtarǵa ne sybaılas jemqorlyqpen jymdasqan nemese sybaılas jemqorlyq úshin jaǵdaı týǵyzatyn áreketterge jol bermeýi tıis. Memlekettik qyzmetshiler basqa memlekettik qyzmetshiler tarapynan bolatyn sybaılas jemqorlyq quqyq buzýshylyq faktileriniń jolyn kesýi tıis. 5. Memlekettik qyzmetshiler jeke jáne zańdy tulǵalardyń óz quqyqtary men zańdy múddelerin iske asyrýyn qıyndatatyn is-áreketterge (áreketsizdikke) jol bermeýge tıis. 6. Memlekettik qyzmetshiler múddeler qaqtyǵysyn bolǵyzbaý úshin sharalar qoldanýy, memlekettik qyzmettiń bedeline nuqsan keltirmeı, pikirsaıysty ádepti túrde júrgizýi tıis. óziniń is-áreketterimen qoǵam tarapynan negizdi synǵa sebepker bolmaýǵa, synaǵany úshin qýdalaýǵa jol bermeýge, oryndy syndy kemshilikterdi joıý men óziniń qyzmetin jaqsartý úshin paıdalanýǵa. 7. Memlekettik qyzmetshiler memlekettik saıasat jáne qyzmettik isiniń máseleleri jónindegi óz pikirin, eger ol: 1) memleket saıasatynyń negizgi baǵyttaryna sáıkes nemese; 2) jarııalaýǵa ruqsat etilmegen qyzmettik aqparatty ashatyn bolsa; 3) memlekettiń laýazymdy tulǵalarynyń, memlekettik basqarý organdarynyń, basqa da memlekettik qyzmetshilerdiń atyna ádepke saı emes sózder aıtýdan tursa, kópshilik aldynda bildirýine bolmaıdy. 8. Memlekettik qyzmetshiler qyzmetten tys ýaqytta jalpy qabyldanǵan moraldyq-etıkalyq normalardy ustanýǵa, qoǵamǵa jat minez-qulyq jaǵdaılaryna jol bermeýge tıis. Buıryq Qazaqstan Respýblıkasynyń Ádilet mınıstrliginde 2013 jylǵy 30 jeltoqsandaǵy Normatıvtik quqyqtyq kelisimderdi memlekettik tirkeýdiń tizilimine №9051 bolyp engizildi.