Aımaq basshysy bul máseleniń mańyzdylyǵyn, turǵyndardyń talaı jyldan beri kóterip kele jatqan ózekti ótinishi ekendigin basa aıtty.
«Biz bul jumysty tezirek qolǵa alý kerekpiz. Aldaǵy ýaqytta sheshilmes óte kúrdeli máselege aınalýy múmkin», dedi ol.
Energetıka jáne turǵyn úı kommýnaldyq sharýashylyǵy basqarmasynyń basshysy Qudaıbergen Qorǵanbaev respýblıka kóleminde káriz tazartý ǵımarattaryn salýdy halyqaralyq qarjy uıymdarynyń qarjysyna iske asyrý týraly sheshim qabyldanyp, 53 qalalardyń tizimine Taraz, Shý, Qarataý, Jańatas qalalary engizilgendigin jetkizdi.
«Qazaqstan Respýblıkasynyń Premer-Mınıstrdiń tóraǵalyǵymen ótken káriz-tazartý qurylystaryn salý jáne rekonstrýksııalaý máseleleri jónindegi keńeste memlekettik-jekeshelik áriptestiktiń 2 tetigi boıynsha sýmen jabdyqtaý jáne sý burý jobalaryn iske asyrýdyń modeli bekitildi», dedi basqarma basshysy.
Oblys ákimi uzaqqa sozylatyn qujat ázirleý jumystaryn kútpeı, máseleni tez arada sheshý joldaryn qarastyrý kerektigin atap ótti.
«Jambyl aýdanyndaǵy jaǵdaıdy kórip otyrmyz. Endi tótenshe jaǵdaıdyń oryn alǵanyn kútpeı, aldyn alý kerekpiz. Taraz qalasynyń qoldanystaǵy súzý alańdarynyń tolýyna baılanysty qosymsha kartalardyń qurylysyna 20 gektar jer telimi alynǵan. Sol boıynsha jumysty jedeldetý úshin zerdeleýler júrgizip, naqty shyǵyndy esepteńizder», degen aımaq basshysy jaýaptylarǵa tıisti mindetter júktep, 1 apta ýaqyt berdi.
Sondaı-aq Taraz qalasy úshin jańa káriz tazartý qurylystarynyń jobasyna ınvestorlar tartý boıynsha jan-jaqty jumystar júrgizýdi tapsyrdy.
Bosqosýdyń kún tártibindegi ekinshi másele sýmen qamtamasyz etetin mekemelerdi, sý nysandaryn jekeshelendirý jaıy qaraldy.
