Aımaqtar • 18 Sáýir, 2022

Túrkistan oblysynda 34 myń jumys orny ashylady

65 ret kórsetildi

Túrkistan oblysy ákimi apparatynyń aptalyq otyrysynda jumys oryndaryn ashý, jumyssyzdyqpen kúres barysy talqylandy. Oblys ákimi О́mirzaq Shókeev aýdan, qala ákimderi men jaýapty basqarmalar aldynda jańa jumys oryndaryn ashý mindeti basty nazarda bolýy kerektigin aıtty, dep habarlaıdy Egemen.kz Túrkistan oblysy ákiminiń baspasóz qyzmetine silteme jasap. 

«Eń basty másele – jumyssyzdyq. Sondyqtan osy túıtkilge mán berý kerektigin qaıtalap aıtamyn. Memleket basshysy jyl saıyn 10 myń turǵynǵa 100 turaqty jumys ornyn ashý mindetin júktedi. Ár aýdannyń ekonomıkalyq jaǵdaıy taǵy da zerdelenip, ınvestısııa tartý, jumys oryndaryn ashýǵa basymdyq berilgeni jón», dedi О́mirzaq Shókeev.
 
Jumyssyzdyqpen qatar búginde zańdy tirkelmeı, qujatsyz jumys istep júrgender de kóp. Olar da statıstıkadaǵy jumyssyzdar sanyn arttyryp jatyr. Sondyqtan jumys berýshiler de osy máselege jaýapkershilikpen qaraýy tıis. Oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Ásııa Temirbaevanyń aıtýynsha, 2022 jyly О́ńirlik karta aıasynda oblysta 34 myńǵa jýyq jumys ornyn ashý kózdelgen. Onyń 5 myńnan astamy turaqty jumys bolady dep josparlanǵan. Búgingi tańda 9 myńǵa jýyq adam jumyspen qamtylǵan. Onyń ishinde Sozaq, Tólebı jáne Shardara aýdandarynda 300-deı turaqty jumys oryndary ashylǵan. О́ńirde turaqty jumys oryndaryn ashýǵa basymdyq berilmek.
 
Kún tártibinde tazalyq máselesine aıryqsha mán berilip, osy saladaǵy kemshilikter aıtyldy. О́ńir basshysymen qolǵa alynǵan tazalyq aılyǵynyń ótý barysy, arnaıy qurylǵan monıtorıngtik toptyń pikiri tyńdaldy. Túrkistan qalasy boıynsha tazalyq jumystarynyń jaı-kúıi sóz boldy.
 
Qazirgi tańda Túrkistannyń barlyq 875 kóshesiniń tazalyǵyna «Túrkistan Jaryq Tazalyq» JShS jáne «Shymkent Spes Kompleks» JShS mekemeleri jaýapty. Mehanıkalyq jolmen 136 kóshe tazalansa, 651 kóshe qolmen tazalanady. Qala aýmaǵy 6 turǵyn úı sektoryna bólingen, árbir sektorda jeke kásipkerler qosalqy merdiger retinde tartylyp, qoqys alý jumystaryn júrgizip keledi. Qoqysty alyp ketý boıynsha jumys kestesi túzilgen. Degenmen turǵyndar tarapynan sanıtarlyq talapty saqtamaıtyndary da kezdesýde.
 
Belgilengen kúnnen buryn kóshe boıyna shyǵarylǵan qoqys ıelerine túsindirme jumystary júrgizilip, ekinshi ret qaıtalanǵan jaǵdaıda aıyppuldar salynady. Qoqys tastaý erejesin buzyp, qala tazalyǵyna keri áserin tıgizgen 80 azamatqa 900 myń teńge aıyppul salynǵan.
 
Oblys ákimi monıtorıng jumystary barlyq aýdan, qalada júrgiziletinin aıta kele turǵyndardyń ekologııalyq saýattylyǵyn arttyrý baǵytynda túsindirý jumysyn kúsheıtýdi tapsyrdy. Erejege baǵynbaı, ózi turatyn aýmaqtaǵy kósheni lastaıtyn turǵyndarǵa aıyppul salý isi de jalǵasady.
Sońǵy jańalyqtar

Shıraz bulbuly

Ádebıet • Búgin, 22:05

Ata jurtta

Ádebıet • Búgin, 22:03

Oqý men oqymaý hám talǵam

Ádebıet • Búgin, 22:01

Mal basy ósse, olja kóbeıedi

Aımaqtar • Búgin, 21:57

Abaı oblysynyń aty ozdy

Aımaqtar • Búgin, 21:54

Saq dáýiriniń eskertkishi

Tanym • Búgin, 21:53

Portretin kúrishten jasaǵan

О́ner • Búgin, 21:51

Bes óńirde daýyldy eskertý jarııalandy

Aýa raıy • Búgin, 21:30

Erlan Qııasov jańa qyzmetke taǵaıyndaldy

Taǵaıyndaý • Búgin, 20:10

Tamyz aıyndaǵy UBT aıaqtaldy

Bilim • Búgin, 19:53

Baqyt Sultanov qyzmetinen bosatyldy

Qazaqstan • Búgin, 18:00

Dollar arzandady

Ekonomıka • Búgin, 16:42

Uqsas jańalyqtar