Bardy baǵalaı bilgen abzal. Ormanǵa tónetin qaýip – mańaıyn sýmańdaǵan qyzyl tilimen jaıpaıtyn dala órti. Dala órtiniń týyndaý sebebi belgili. Aýyl sharýashylyǵy qurylymdary egistik alqabynyń ústindegi kúzden qalǵan eski sabandy belgilengen jerge jetkizýdi artyq shyǵyn sanap, órtep jatyr. Malsaq qaýym jaıylym ústindegi óli qaýdy jaǵyp jibersek, órteńge ósken shóp mol bolady dep túısinedi. Barlyǵy sharýa qamy bolǵanymen, zııanyn ormandy alqap kórmek. Tótenshe jaǵdaılar departamentiniń qyzmetkerleri dala órtiniń aldyn alý baǵytynda jumys júrgizýde. Taıaýda oblys ortalyǵynyń irgesinde eski qaý shópti órtep júrgen eki adam ustaldy. Jeldi kúni jalǵyz shyrpy adam aıtqysyz shyǵyn ákelýi múmkin ekendigin eskere bermegen ekeýine aıyppul salyndy. Olar joǵaryda aıtqanymyzdaı, eski shópti erterek jaǵyp jibersek, órteńge shóp jaqsy ósedi dep aqtalmaq.
«Buqpa» orman sharýashylyǵy el ishinde túsindirý jumystaryn júrgizýde. Oblystyq tabıǵı resýrstar jáne tabıǵat paıdalanýdy retteý basqarmasy, jergilikti polısııa qyzmeti, oblystyq orman sharýashylyǵy jáne janýarlar dúnıesi aýmaqtyq ınspeksııasy 58 jedel top quryp, reıd ótkizdi. О́tken aptada osyndaı jumys nátıjesinde órt salyp, tabıǵatqa zalal keltirgen birneshe adam ustaldy.
О́rttiń azyn-aýlaq ormandy oısyratyp ketýi ábden múmkin. Byltyr oblysta 123 orman órti oryn alyp, qymbat tabıǵı qazynamyzǵa qanshama shyǵyn keldi. Alty ret dala órti tutansa, 140 márte qaý shóp janyp, órt sóndirýshilerdi ábigerge túsirdi. Bıyl dalanyń dıdary keppeı jatyp bir ret orman órtenip, úsh márte daladaǵy qaý shóp jandy. Kóksheniń kórki bolyp turǵan kókóskin kúlge aınalmasyn deseńiz, abaı bolyńyzshy, aǵaıyn!
Aqmola oblysy
