«Pavlodar oblysynyń kásipkerlik jáne Indýstrııalyq damý basqarmasy Pavlodar ákimdigimen birlesip bólshek saýda jelisinde áleýmettik mańyzy bar azyq-túlik taýarlarynyń baǵasyna monıtorıng júrgizdi. Monıtorıng barysynda saýda ústemesiniń 15%-dan asýy tirkelgen joq, sondaı-aq turaqtandyrý qorynan ónimniń bar-joǵy tekserildi», dep habarlady vedomstvodan.
Mysaly, turaqtandyrý qoryndaǵy saýda jelileriniń birinde «Zarechnoe» kúnbaǵys maıy 772 teńge, kúrish — 277 teńge, qant — 369 teńge, tuz — 54 teńge, kartop pen sábiz baǵasy — 125 teńge, sút — 233 teńge boldy.
«Áleýmettik mańyzy bar azyq-túlik taýarlarynyń baǵasyn turaqtandyrý oblystyń jergilikti atqarýshy organdary qyzmetiniń negizgi baǵyttarynyń biri bolyp tabylady», dep tolyqtyrdy vedomstvodan.
Aıana Toǵanbek
