foto: Zakon.kz
28 naýryzda Qaraǵandy oblysynyń Sátbaev qalasynyń polısııa bólimine 24 jastaǵy qala turǵynynan ótinish kelip tústi. Ol júrgizýshi kýáligin esh qıyndyqsyz alý múmkindigin izdegenin túsindirdi.
Aıdyń basynda ótinish berýshi áleýmettik jelilerde kerekti habarlamany tabady, onyń avtory birneshe ýaqyt ishinde qajetti qujatty rásimdeýdi usynǵan.
Bul rette ol qujattyń zańdy túrde bolatynyn aıtqan. Biraq óz qyzmeti úshin 120 myń teńge talap etken.
Deldal ótinish berýshiniń senimin týdyrǵandyqtan, mobıldi qosymsha arqyly oǵan qajetti somany aýdarǵan.
Aqshany alǵannan keıin jarnamanyń avtory baılanysqa shyǵýdy toqtatyp, kózden ǵaıyp bolǵan.
Onyń aldap ketkenin túsingen jábirlenýshi polısııaǵa júgindi. QR QK 190-baby (Alaıaqtyq) boıynsha qylmystyq is qozǵaldy.
17 sáýirde jedel-izdestirý is-sharalary barysynda krımınaldyq polısııa qyzmetkerleri aýyldyq aýdandardyń biriniń 19 jastaǵy turǵynyn anyqtap, ustady. Ol kinásin tolyq moıyndady.
Tergeý amaldary júrgizilýde.
