О́zin «bank menedjeri» retinde tanystyrǵan er adam áıelge qońyraý shalyp, bireý onyń atyna nesıe alýǵa ótinish berip jatqanyn aıtty. Petropavl turǵyny bul aqparatty rastamady. Sodan keıin er adam oǵan «qaýipsizdik qyzmetkeri» habarlasatynyn eskertti.
Ekinshi qońyraý WhatsApp-tan túsken. Jábirlenýshige esepshotyna qatysty qolsuǵýshylyqty boldyrmaý úshin iri somada nesıe alyp, ol aqshany qosalqy shotqa jiberý yńǵaıly bolady dep sendirgen.
«Alaıaq bank qaýipsizdigi qyzmeti tergeý júrgizip jatyr dep aıtqan, sondyqtan bankke barǵanda, «qylmyskerlerdi úrkitip almaý úshin» eshkimge eshteńe aıtpaý qajettigin eskertken. Qala turǵyny bankke baryp, 4,5 mıllıon teńgege nesıe resimdegen jáne óziniń jınaǵan qarajatyn qosyp, qylmyskerler aıtqan shotqa aýdarǵan. Budan keıin alaıaq áıeldi ekinshi bankke baryp óz atynan taǵy bir nesıe resimdeýge kóndirgen. Áıel ol aqshany da «arnaıy esepshotqa» saldyrǵan», dep túsindirdi SQO polısııa departamenti krımınaldyq polısııa basqarmasynyń bastyǵy Marat Jumalıev.
Tek birneshe kúnnen keıin ǵana Petropavl turǵyny alaıaqtarǵa aldanǵanyn túsinip, polısııaǵa júgingen.
«Atalǵan derek Qylmystyq kodekstiń «Alaıaqtyq» baby boıynsha Sotqa deıingi tergep-tekserýdiń biryńǵaı tizilimine engizildi. Jalpy shyǵyn - 10 mln teńgege jýyq. Adamdardy qandaı jaǵdaı bolmasyn, bankten shalynatyn qońyraýlarǵa senbeýge shaqyramyz. Eger qarajatyńyzdyń saqtyǵyna qatysty kúmán bolsa, bankke baryp, sol jerde anyqtańyzdar», deıdi M. Jumalıev.
