«Munyń birinshi jaǵdaı emestigin aıtý kerek. Sondyqtan biz barlyq oqytý uıymdaryna tolyq tekserý júrgizýdi tapsyrdyq. Sebebi órtke qarsy sharalar saqtalýy tıis. Mektep paıdalanýǵa berilgende, jóndeýden keıin jáne jańa oqý jyly bastalar aldynda mindetti túrde aktiler bolýy kerek. Onyń ishinde órtke qarsy qyzmetterden de bolýy qajet. Sondyqtan meniń oıymsha, mundaı anyqtamalar men aktiler boldy, endi órttiń neden týyndaǵanyn bilý úshin tergeý júrgiziletin bolady. Mende bar aqparatqa sáıkes, kúıik alǵandar men zardap shekkender joq. Tek bir muǵalim osy jaǵdaıǵa baılanysty psıhologııalyq problemaǵa ushyrady. Oǵan psıhologııalyq kómek kórsetilip jatyr», dedi A. Aımaǵambetov.
Sondaı-aq mınıstr oqýshylardyń sabaqty qalaı jalǵastyratyny jóninde de aıtty.
«Qazir ǵımarattyń ózine tolyq tekserý júrgiziledi. Tıisti qyzmetter órttiń sebebin anyqtaıdy. Eger ári qaraı oqýǵa esh qaýip bolmasa, balalar oqýyn jalǵastyra alady. Ázirge olar ýaqytsha qashyqtan oqı alady. Al ǵımarattyń jaramsyz ekeni anyqtalsa, ákimdik bul balalardyń oqýyn basqa uıymdarda jalǵastyrý sharalaryn qarastyrady», dedi ol.
Eske sala keteıik, Pavlodar oblysyndaǵy mektepten órt shyǵyp, 551 bala evakýasııalandy, bir muǵalim zardap shekti. Oqıǵa ornyna TJD 50 qyzmetkeri jáne 12 birlik tehnıka, AMO FMÝ - 4 qyzmetker jáne 1 birlik tehnıka jumyldyryldy.
