Qaıyrbek О́skenbaev birneshe ýchaskelerdegi, onyń ishinde Qurmanǵazy kentiniń janyndaǵy (682-845 km) jumystardy tekserip, Isataı jáne Qurmanǵazy aýdandarynyń turǵyndarymen kezdesti. Mınıstr Memleket basshysy atalǵan jobanyń iske asyrylýyn erekshe baqylaýynda ustaıtynyn atap ótti. Osy rette Indýstrııa jáne ınfraqurylymdyq damý mınıstrligimen naqty sheshimder qabyldandy.
«Biz mindetti túrde bir, bir jarym aıda Atyraý oblysyna atqarylyp jatqan jumystardyń sapasy men iske asyrylý merzimin tekserý úshin kelip turatyn bolamyz. Budan basqa Avtomobıl joldary komıteti, «QazAvtoJol» ulttyq kompanııasy jáne Jol aktıvteriniń ulttyq sapa ortalyǵy basshylarynyń orynbasarlary joldy rekonstrýksııalaý aıaqtalǵanǵa deıin turaqty túrde osynda bolady degen sheshim qabyldandy. Olarǵa basqa jumystaryn áriptesterine tapsyryp, tek «Atyraý-Astrahan» jobasymen aınalysý qajettiligi aıtyldy», dedi Q. О́skenbaev.
«Atyraý-Astrahan» jobasy 6 bólikke bólingen. 833-853 shaqyrymdyq ýchaske 2020 jyly paıdalanýǵa berildi. Jyldyń sońyna qaraı joldyń barlyq uzyndyǵy boıynsha qozǵalysty ashý josparlanýda. «Atyraý-Astrahan» tas jolynyń qurylysyn aıaqtap, halyq ıgiligine berý – kún tártibindegi kezek kúttirmeıtin máseleniń biri. Endi meniń bir orynbasarym qurylys jumystarynyń ýaqytynda aıaqtalýyn kúndelikti qadaǵalap otyrady jáne maǵan kúndelikti esep beredi. Bul jumystardy júzege asyrý jolynda qoǵamdyq baqylaýdy da kúsheıtken jón», dedi Atyraý oblysynyń ákimi Serik Shápkenov.
Aıta keterligi, búgingi tańda merdiger uıymdar jol-qurylys materıaldaryn daıyndap, qurylys-montaj jumystaryna kirisip jatyr. «Aqtóbe-Atyraý-RF shekarasy (Astrahanǵa)» dálizi boıynsha barlyq jumysty 2023 jyly aıaqtaý josparlanýda.
