Jalpy aýdany 5,4 mln sharshy metrden astam saıabaqtar men gúl baqtaryn jınaý júrgizildi, 4 myńnan astam kóshet (emen, tatar úıeńkisi, qaraǵaı, jóke, qaıyń, pıramıdalyq terek, qaraǵaı) otyrǵyzyldy.
«Birge – taza Qazaqstan» jalpyrespýblıkalyq ekologııalyq aksııasy qalany abattandyrý, kógaldandyrý jáne sanıtarlyq tazalaý boıynsha jumystardy júrgizýge baǵyttalǵan.
«Bizde Máńgilik El kóshesi men Turan kóshesine deıingi aýmaq bar. Adamdar senbilikke barǵysy keledi. Senbilikter-bul jalpy komandalyq rýhty kóteretin is-shara dep sanaımyn. Mektep kezinen bastap aýmaqtardy tazartý kúndelikti kúıbeń tirshilikten alshaqtaýǵa kómekteskenin esime túsiremin. Bul jerde áriptesterimizge jumys prızmasynan tys qarap, birigip, moraldyq turǵyda demalyp, dene shynyqtyrýmen aınalysa alamyz»,deıdi QR UEM Ishki ákimshilendirý departamenti dırektorynyń orynbasary Tileýbek Belgiberzın.
Qalanyń keıbir ujymdary mundaı senbilikke jyl saıyn shyǵatynyn atap ótti. Mysaly, Prezıdent ákimshiligindegi bólim meńgerýshisi Ǵanı Tileýbekov ákimshilik 1998 jyldan bastap qalada 6 myńnan astam aǵash otyrǵyzǵanyn aıtty.
Bıyl biz dástúr boıynsha jalpyqalalyq senbilikke shyqtyq. Biz 1998 jyldan bastap qalamyzdy kógaldandyrý, jınaý boıynsha senbilikterge qatysamyz. Biz óz úlesimizdi qosýdamyz, osyndaı senbilikterdiń ótkizilip jatqanyna rızamyz", - dedi Tileýbekov.
Qala ujymdarynyń belsendi qatysýy – qoǵamnyń bizdiń tabıǵatymyzǵa uqypty qaraýynyń basty belgisi, dep esepteıdi Álııa Quspanova.
«Kóńil-kúı de, aýa – raıy da jaqsy-barlyǵy tatý ujym bolyp jumys isteýge múmkindik berip tur. Tipti balalaryn ertip kelgender de bar. Biz úshin bul jumystan tys ortada sóılesýge jaqsy sebep. Osylaısha, biz balalardy, jastardy eńbekke baýlımyz», dep bólisti áıel.
Qalamyzdyń aqsaqaldary da qarap qalǵan joq. Zeınetker Shynbolat Berkalıev Belsendi uzaq ómir súrý ortalyǵynyń turaqty kelýshisi bolyp tabylady. Búgin ol barlyq turǵyndar sııaqty senbilikke shyǵyp, elordany kórkeıtýge óz úlesin qosty.
«Búgin qalanyń barlyq aýdandarynda senbilikter ótýde. Biz, Belsendi uzaq ómir súrý ortalyǵynyń ókilderi óz úlesimizdi qosýǵa keldik. Barlyq turǵyndardy astanamyzdy taza ustaýǵa, búldirmeýge jáne oǵan kútim jasaýǵa shaqyramyn», dedi aqsaqal.
