Iý. Pýtınseva jartylaı fınalda dúnıejúzilik reıtıngte 122-orynda turǵan reseılik Anastasııa Potapovamen sheberlik baıqasty.
Birinshi partııada qazaqstandyq tennısshi úsh breık jasap, basymdyq tanytty – 6:2.
Esesine, ekinshi sette 21 jastaǵy A. Potapova ese qaıyrdy – 6:2.
Úshinshi, sheshýshi partııada reseılik tennısshi esepti 5:1-ge jetkizip, matchqa dop bergende, Pýtınseva breık jasaı aldy. Biraq, odan árige shamasy jetpedi – 2:6.
Tartysty báseke eki saǵatqa jýyq ýaqytqa sozyldy.
A. Potapova júlde qory 251,7 myń AQSh dollaryna baǵalanǵan jarystyń bas júldesi úshin álemniń 24-raketkasy, rýmynııalyq Sorana Kyrstıa nemese reıtıngte 29-satydaǵy reseılik Veronıka Kýdermetovanyń bireýimen talasady.
