«Eger kompıýterde kamera bolmasa nemese kamera jumys istemese, beıne tekserý servısi - Digital ID paıdalanýshylarǵa QR-kodtyń kómegimen ESQ-ny qashyqtan alýǵa múmkindik beredi», delingen egov.kz-tiń Instagram-daǵy paraqshasynda.
Qyzmetti paıdalaný úshin:
avtorızasııa bólimine ótińiz;
«Digital ID» avtorızasııalaý tásilin tańdańyz;
«Digital ID kómegimen kirý» túımesin basyńyz;
telefon nómirin jáne rastaý kodyn engizińiz;
telefon kamerasyn kompıýter ekranynda kórsetilgen QR kodyna aparyńyz;
beıne tekserýden ótińiz.
Atap aıtqanda, beıne tekserýden keıin, óz kompıýterińizde ESQ alýdy jalǵastyra alasyz.
«Beıne tekserý servısi - Digital ID paıdalanýshylarǵa kompıýterde kamera bolmaǵan jaǵdaıda nemese jaramsyz bolǵan kezde QR-kodtyń kómegimen ESQ-ny qashyqtan alý úshin sáıkestendirý rásiminen ótý múmkindigin beredi. Jańa jańartýlar jeke jáne zańdy tulǵalar úshin qoljetimdi», delingen EGov.kz portalynda.
«ESQ shyǵarý eGov.kz portalynda óte tanymal servıs, tek osy jyldyń ózinde ony 4,8 mln ret memlekettik qyzmetterdi alý úshin jasaǵan. Biz azamattardan kóbinese kompıýterde kamera joq nemese jumys istemeıdi degen pikir alamyz. Bul ózgerister ESQ-ny qashyqtan alý prosesin jeńildetedi jáne yńǵaıly etedi», dep atap ótti «Ulttyq aqparattyq tehnologııalar» AQ Basqarma tóraǵasy Rostıslav Konıashkın.
