Medısına • 25 Sáýir, 2022

Julyn isigine jasalǵan operasııa

20 ret kórsetildi

Julyn isigi óte qıyn jerde ornalasqan 35 jastaǵy almatylyq Vladımırge elordadaǵy Ulttyq neırohırýrgııa ortalyǵynyń tájirıbeli neırohırýrg-mamandary MÁMS esebinen erekshe ota jasady. Bul jóninde «Áleýmettik medısınalyq saqtandyrý qory» KeAQ Nur-Sultan qalasy bo­ıynsha fılıalynyń baspasóz qyzmeti habarlady.

Pasıenttiń aıtýynsha, bıyl naýryz aıynda oń jaq qoly men oń jaq aıaǵy álsizdenip, uıyp qalyp, mazalaı bastaıdy. Ol turǵylyqty jeri boıynsha nevrologten em qabyldaıdy, biraq densaýlyǵy jaqsarmaıdy. Kóp uzamaı pasıent moıyn omyrtqasynyń MRT dıagnostıkasyna jiberiledi. MRT túsirimderiniń nátıjeleri boıynsha pasıentke S1-S4 omyrtqalary (kavernoma) deńgeıinde ıntramedýlıarly tamyrly isigi anyqtalady. Isik bassúıegi negizinde mıǵa ótetin julynnyń ishinde ornalasqan. Isiktiń ornalasýy óte qıyn jerde bolǵandyqtan, neırohırýrgterdiń asqan sheberligi, zamanaýı jabdyqtar men tehnıka qajet edi. Aıta keteıik, mundaı kúrdeli operasııany Neırohırýrgııa ortalyǵynda ǵana jasaýǵa bolady.

Pasıenttiń aıtýynsha, Neırohırýrgııa ortalyǵyna kelgenge deıin ol Koreıa men Germanııanyń sheteldik klınıkalaryna emdelý týraly birneshe suranys jibergen.

«Tanystarymnyń kópshiligi shetelde emdelýge keńes berdi. Koreıada Neırohırýrgııa ortalyǵynda jasalǵan dál osyndaı ota úshin 29 myń eýro surady. Sonymen qatar Koreıa dárigerleri ota sátti jasalatynyna nemese operasııadan keıin múgedek bolmaıtynyma kepildik bermedi. Germanııaǵa suraý salǵannan keıin Germanııa dárigerlerimen sóılestim. Olar menen nelikten Qazaqstandaǵy Ulttyq neırohırýrgııa ortalyǵyna júginbegenimdi surady. Nur-Sultandaǵy Neırohırýrgııa ortalyǵy týraly nemis dárigerleri sheteldikterden esh kem emes, emdeýde zamanaýı ádister men tehnologııalardy qoldanatyn, barlyq qajetti jabdyq pen qural-saımanǵa, bilikti mamandarǵa ıe jáne sátti operasııalar júrgizetin zamanaýı klınıka degen pikir bildirdi», deıdi pasıent.

Buǵan deıin elimizde mundaı klınıkanyń bar ekenin bilmegen ol, qajetti aqparattar men qujattardy jınap, «Ulttyq neırohırýrgııa ortalyǵy» AQ-ǵa medısınalyq kómekke júginedi. Munda bólimshe meńgerýshisi, medısına ǵylymdarynyń doktory, professor Talǵat Kerimbaevtan keńes alady.

Julyn neırohırýrgııasy, shetki júıke júıesiniń patologııasy bólimshesiniń dárigerleri julyn men mı baǵanynyń qysylýymen kranıovertebraldy ótý isigin alyp tastaý boıynsha operasııany 4 saǵatta jasady. Operasııa aldynda traktografııamen 3-Tesla MRT zertteýi júrgizildi. Onyń kómegimen dárigerler isiktiń ornalasqan jerin anyq kórýge múmkindik aldy. Bul hırýrgııalyq emdeý taktıkasyn tańdaý da neı­ro­hı­rýrg­ter­diń jumysyn jeńildetti. Sondaı-aq operasııa kezinde julyn qurylymdaryndaǵy hırýrgııalyq manıpýlıasııalardy baqylaýǵa múmkindik beretin ıntra­ope­rasııalyq neıromonıtorıng qoldanyldy. Bul nev­ro­lo­gııalyq asqynýlardyń aldyn alýǵa múmkindik beredi.

Operasııany Julyn neırohırýrgııasy, shetki júıke júıesiniń patologııasy bólimshesiniń meńgerýshisi, 30 jylǵa jýyq praktıkalyq jumys ótili bar Talǵat Kerimbaev pen neırohırýrg-dáriger Jandos Tuıǵynov jasady.

Talǵat Tynyshbaıulynyń aıtýynsha, operasııa kezinde anatomııalyq oıyqtardyń boıymen isikke deıin jetý jáne julynnyń ótkizgish joldary men ortalyqtaryna zaqym keltirmeı, ony alyp tastaý birinshi kezektegi mindet bolǵan.

«Kranıovertebraldy ótý aımaǵy isikterde óte qaýipti lokalızasııa bolyp sanalady. Onda mı júıesi ótedi, omyrtqa arterııasy, tynys alý tamyrlary, qımyl-qozǵalys ortalyqtary bar. Osy ómirlik mańyzdy ortalyqtar zaqymdanǵan jaǵdaıda pasıent sal bolyp qalýy, tipti sońy ólimge ákelýi múmkin. Bul jaǵdaıda tehnıkalyq turǵydan qol jetkizý qıyn, biraq pasıent úshin qaýipsiz, deneniń ómirlik mańyzdy qurylymdarynyń qyzmetin saqtaı otyryp, isikti tolyǵymen alyp tastaýǵa múmkindik beretin jol tańdaldy. Osyndaı kúrdeli operasııalarmen jıi kezdesemiz», dedi T.Kerimbaev.

Operasııa sátti ótti, isik tolyǵymen alynyp tas­taldy. 2 táýlikten soń naýqas aıaqqa turdy. Osyndaı joǵary tehnologııalyq negizde jasalǵan kúrdeli operasııa pasıentke MÁMS aıasynda kvota boıynsha júrgizildi. Emdelýge jatqyzý kezinde pasıentte oń jaqtyń gemıparezi, álsizdik, deneniń oń jartysynda uıý baıqaldy. Pasıentke kúndelikti ómirdegi óz qajettilikterin jasaý qıyndyq týdyrdy, zattardy oń qolymen kótere almady, qoldyń usaq motorıkasy buzyldy, bulshyq et kúshi tómendedi. Qazir pasıent ózin jaqsy sezinedi, deneniń oń bóliginiń uıýy joıyldy, bulshyq et kúshi jáne qoldyń usaq motorıkasy dınamıkada qalypty jaǵdaıǵa deıin jaqsardy. Qaıta jasalǵan MRT-da isik tolyǵymen alynyp tastalǵany kórindi. Pasıent operasııadan keıingi 7 táýlikte úıge shyǵýǵa daıyndalýda.

«Maǵan kúrdeli operasııa jasaldy, isik qol jetpeıtin qıyn jerde ornalasqan. Búgin operasııadan keıin bir apta ýaqyt ótti. О́zim júremin, qozǵalamyn, ózimdi jaqsy sezinemin, kún saıyn jaqsaryp, tez qalpyma kelýdemin. Meniń densaýlyǵymdy qalpyna keltirýge atsalysqan barlyq medısınalyq qyzmetkerge óte rızamyn. Mundaǵy mamandar – eń úzdik dárigerler. Qazaqstanda osyndaı zamanaýı ortalyqtar – Neırohırýrgııa, Kardıohırýrgııa, Onkologııa ortalyqtary bar ekeni qýantady. Shetelge baryp, qomaqty qarjy jumsaýdyń qajeti joq, MÁMS bo­ıynsha munyń bári bizdiń elde qoljetimdi», dep rızalyǵyn bildirdi Vladımır.

Sońǵy jańalyqtar

Suıytylǵan gaz baǵasy óspeıdi

Qoǵam • 01 Shilde, 2022

Uqsas jańalyqtar