Osyǵan deıingi konstıtýsııalyq, memlekettik jáne saıası ınstıtýttardaǵy dástúrli kózqarastar men júıeli baǵyttar búgingi tańda túbegeıli ózgergen. Iаǵnı áleýmettik teńsizdikterdi joıý, sóz bostandyǵy men demokratııalyq zańdar aıasyndaǵy iske asyrylyp jatqan saıası tranformasııalaý týraly Joldaýdaǵy jańashyl bastamalar qoǵamda jańa saıası mádenıetti qalyptastyrýǵa úlken múmkindik berip otyr. Memlekettiń ósip-órkendeýine, turaqtylyǵy men qaýipsizdigine jaýapty memlekettik qyzmetshiler men olarǵa teńestirilgen mekemelerdegi jumysshylar jalpyulttyq deńgeıdegi ártúrli jaǵdaılarda ózindik sheshim qabyldap, jergilikti deńgeıde ózin-ózi basqarý, adal qoǵam qurý, qalalyq jáne aýdandyq deńgeıde halyqqa qyzmet etýshi organdardaǵy basshy mamandardy ádiletti saılaý sııaqty tuǵyrly el bolýǵa talpynǵan qabiletti qoǵamdy qalyptastyrýǵa baǵyt aldy.
Álemdi ábigerge salǵan soǵys oshaqtarynyń saldary men bir-birine shekteý salýmen tiresken burynǵy yntymaqtas elderdiń búgingi alaýyzdyǵy órship turǵan zamanda aýmaqtyq tutastyqty qorǵaý – basty mindet ekenin ár azamat sezinip otyr. Elimizge naqty qadamdar men uqypty suryptalǵan saıası sheshimderdi talap etip otyrǵan aýmaly-tókpeli kezeńde, ulttyq biregeılikti nyǵaıtýǵa baǵyttalǵan ıgilikti bastamalarǵa qanyq bul Joldaý kópshilik qoldaýyna ıe. Demek «Kúshti Prezıdent – yqpaldy Parlament – esep beretin Úkimet» qaǵıdatyn basshylyqqa alǵan Memleket basshysynyń aldymyzǵa qoıǵan tapsyrmalary men mindetterin ýaqtyly júzege asyrýdy biz ál-aýqatty qoǵam qurýǵa qosqan úlesimiz dep tanýymyz kerek.
Bul turǵyda, HH-HHI ǵasyrlardaǵy Qazaqstannyń saıası-áleýmettik tarıhynyń qundy qujattaryn saqtap otyrǵan Qazaqstan Respýblıkasy Prezıdentiniń Arhıvi, elimizdiń aldaǵy ýaqyttaǵy damý jolynyń strategııalyq, ıdeologııalyq baǵyttaryn qalyptastyrýdaǵy ózine júktelgen tarıhı jaýapkershilikti sezinip otyr. Osy oraıda, arhıvtiń aldynda birneshe keshendi is-sharany júzege asyrý mindetteri tur.
Birinshiden, arhıvtik qyzmetterdi jańǵyrtý. Eń aldymen, arhıvtik qujattar kesheniniń qoljetimdiligi men ashyqtyǵyn qamtamasyz etý maqsatynda olardy sıfrly júıege kóshirý qarqynyn arttyrý.
Ekinshiden, azamattarymyzdyń el aldyndaǵy jaýapkershiligin, halqymyzdyń tarıhyna degen qurmetin arttyrý, otansúıgishtik, ultjandylyq qasıetterin oıatý maqsatynda arhıvte saqtaýdaǵy tarıhı qujattardy áıgilep, nasıhattaýǵa baǵyttalǵan sharalardy uıymdastyrý.
Úshinshiden, ǵylymı aınalymǵa enbegen qujattyq derekterdi ǵalym-zertteýshiler keńinen qoldanyp, solardyń negizinde tyń tarıhı eńbekter jarııalaýyna jaǵdaı jasaý.
Osy kóterilip otyrǵan otandyq arhıv salasyndaǵy ózekti máseleler Memleket basshysynyń Joldaýda aıtyp ótken, «biz eń basty qundylyǵymyz – Táýelsizdigimizdi saqtap, ulttyq biregeıligimizdiń negizin nyǵaıtyp, elimizdi jańǵyrtý jolynda uıysýǵa tıispiz» degen mindetterine sáıkes keledi.
Álııa MUSTAFINA,
Prezıdent Arhıviniń dırektory
