Saqtandyrý sektorynyń tabysy ósti

Tıisinshe, shyǵyn da ósken – 31,6 paıyzǵa, somasy – 117,2 mlrd teńge. Úlestirilmegen taza paıda – 39,1 mlrd teńgege teń. 2021 jyldyń basymen salystyrǵanda eki ese joǵary. Sóıtip, sektor besinshi jyl qatarynan tabysty bolyp otyr deıdi sarapshylar.

Ranking-tiń jazýynsha, saladaǵy 27 kompanııanyń 23-i ǵana bólinbegen taza paıda tapqan. Bul rette «Evrazııa» (16,8 mlrd teńge), «Vıktorııa» (7,7 mlrd teńge) jáne Jusan Garant (2 mlrd teńge) kompanııalary kósh bas­taıdy. 2021 jyldyń bastapqy kezeńimen salystyryp qaraǵan­da zalaldy ótemegen saqtandyrý kompanııalarynyń sany 10-nan 4-ke qysqarypty. Alaıda osy 4 SK-nyń jıyntyq shyǵyny byltyrǵy kórsetkishten 3 ese asyp túsken.

Bıyl ádepki eki aıda qazaq­standyqtar óz ómirlerin saq­tan­dyrý úshin 47 mlrd teńgeden as­tam soma bergen. Bul atalǵan sektor­dyń bizde joǵary qarqyn­men damı bastaǵanyn ańǵartsa ke­rek. Eger 2018 jylǵa deıin ómir­­di saq­tandyrý boıynsha kom­pa­nııalar­ǵa syılyqaqynyń túsý kór­setkishi jylyna 100 mlrd teń­ge­den aspasa, odan keıingi jyl­dary jaǵ­daı kenet ózgergen. Sektorda jı­nalǵan syılyqaqy 2019 jyly – 55,7 paıyzǵa, 2020 jyly – 16 paıyzǵa, 2021 jyly – 66 pa­ıyzǵa (rekordtyq kórsetkish) ósken.

«Syılyqaqynyń ósýi halyq­tyń qarjylyq saýattylyǵynyń artýyna jáne naryqta jańa ónim­derdiń paıda bolýyna baılanys­ty. Buryn zań talaptaryna baılanysty ómirdi saqtandyratyn kompanııalar qyzmeti shektelgen edi. Biraq qazir sektorda jańa múm­kindikter ashyldy. Geosaıası túsinik­sizdik, syrtqy shok jáne ult­tyq valıýtanyń qubylýy jaǵ­da­ıynda jınaqtaýshy saqtan­dyrý qarjylandyrýdyń balama kózi bola bastaıdy. Iаǵnı onyń kómegimen aqshany saqtap qana qoımaı, kóbeıtýge de bolady. Keıbir saqtandyrý kompanııalary bizdiń bankterdiń shetel valıý­tasyndaǵy depozıtteriniń mar­dymsyz stavkasymen salys­tyrǵanda anaǵurlym joǵary syıaqy mólsherlemesin usyna otyryp, dollarmen ınvestısııalaý múmkindigin beredi», dep jazady Ranking.

О́mirdi saqtandyrý sektorynda 9 kompanııa jumys istep jatyr. Eki aıdyń qorytyndysy boıynsha 14,8 mlrd teńge (naryqtyń 31,1 paıyzy) syılyqaqy jınaǵan Nomad Life kósh bastady. Bul kompanııa syılyqaqy kólemi boıynsha jalpy sektordyń úshtigine de kirip otyr. Kompanııa 6 baǵyt boıynsha 9 ónim usynady. Ekinshi orynda – «Halyq- Life» – 14,1 mlrd teńge syılyqaqymen. Úshtikti 5,2 mlrd teńgemen Freedom Finance Life qorytyndylaıdy. Osy úsh kompanııanyń ózi búkil naryqtyń 70 paıyzyn qamtıdy.

«О́mirdi saqtandyrý naryǵy shetelderde óte jaqsy damyǵan. Kóptegen damyǵan jáne damýshy elde ómirdi saqtandyrý qa­lyp­ty ómir súrý normasy, den­saýlyq pen ál-aýqatty qor­ǵaý­dyń tıimdi tásili jáne mańyz­dy ınvestısııalyq qural bolyp sanalady. Qazaqstan birtin­dep Ekonomıkalyq yntymaq­tas­tyq jáne damý uıymy el­deri­niń deńgeıine jaqyndap keledi. Jal­py saqtandyrý nary­ǵyn­daǵy ómirdi saqtandyrý syılyq­aqy­synyń úlesi bizde 46,6 pa­ıyzdy quraıdy. Bul kórsetkish Danııada – 72,8, Irlandııada – 76,6, Lıýksembýrgte – 88,4, Sın­gapýr­de – 77,1, Italııada – 74,4, Uly­brıtanııada 70,5 paıyzdy quraıdy», deıdi sarapshylar.

Sonymen qatar ómirdi saq­tan­dyrý kompanııalarynyń ak­tıvteri de óse túsken. Bıyl naý­­ryzdyń basyndaǵy jaǵdaı boıyn­sha 791,2 mlrd teńgege jetti. Jal­py, sońǵy úsh jylda 33,9 pa­ıyzǵa artqan. О́mirdi saqtandyrý n­ary­ǵynyń aktıv ósimi tur­ǵy­synan ózge sektorlardan nátı­jesi joǵary ekenin de baıqaýǵa bo­la­dy. Ranking sarapshylarynyń baǵam­daýynsha, bulardyń sońǵy bes jyldaǵy aktıv ósimi 27,7 pa­ıyz­dy qurasa, ekinshi deńgeıli bank­terdiń aktıvi 9,4, al jalpy saq­tandyrý kom­panııalarynyń aktıvi 13,2 pa­ıyzǵa ǵana kóbeıgen.