«Jyl saıyn tabıǵı órtterdiń kesirinen adamdar qaza taýyp, múlik pen tabıǵatqa orasan zor shyǵyn keledi. Bıyl «Qazgıdromettiń» boljamy boıynsha jaz mezgili jyldaǵydan ystyq bolady dep kútilýde.
О́ńirlerde qazirdiń ózinde kún ysyp, tabıǵı órt sany artyp otyr. Bul másele Tótenshe jaǵdaılar mınıstrligi men jaýapty memlekettik organdardyń jáne ákimdikterdiń jiti nazarynda bolýy tıis», - degen Úkimet basshysy memlekettik organdarǵa birneshe mańyzdy máselege nazar aýdarýdy tapsyrdy.
Birinshiden, óńir ákimdikteri órt beketteri men erikti órtke qarsy qurylymdardy uıymdastyrý jumysyn jalǵastyrýǵa mindetteldi.
«Tótenshe jaǵdaılar mınıstrligimen birge balalardy saýyqtyrý lagerleri, sanatorııler men demalys aımaqtarynda órtke qarsy qaýipsizdikti qamtamasyz etý máselesin baqylaýǵa alsyn!.
Ekinshi. Ekologııa mınıstrligi óńir ákimdikterimen birge orman jáne tabıǵatty qorǵaý mekemelerin órtke qarsy tehnıkalyq jaraqtandyrý deńgeıin arttyrý sharalaryn qabyldasyn. Kúshter men quraldardyń tabıǵı órt kezinde shuǵyl áreket etýge daıyndyǵyn qamtamasyz etsin. Sondaı-aq iri órtterdi sóndirýge avıasııany tartýdy qarastyrsyn», - dedi Álıhan Smaıylov.
