Polisia.kz málimetinshe, bıyl 28 qańtarda Qaraǵandy qalasy polısııa departamenti Ońtústik-Shyǵys polısııa bólimine 50 jastaǵy turǵynnan aryz túsken.
«Jábirlenýshi óziniń jeke derekterin belgisiz bireý paıdalanyp, onyń atyna 2,1 mln teńge nesıe resimdegenin aıtqan. Bul fakt boıynsha Qylmystyq kodekstiń 190-baby («Alaıaqtyq») boıynsha qylmystyq is qozǵaldy. Jábirlenýshiniń atyna kredıt Nur-Sultandaǵy bankterdiń birinde rásimdelgeni belgili boldy», dep jazylǵan habarlamada.
Polıseıler bul qylmysqa ótinish berýshiniń derekterine qol jetkizgen adamnyń qatysy bar dep qorytyndy jasaǵan.
«20 sáýirde jedel-izdestirý sharalary barysynda krımınaldy polısııa qyzmetkerleri elordada 19 jastaǵy turǵyndy ustady. Ol kinásin tolyq moıyndady. Kúdikti jábirlenýshige kredıt rásimdelgen qarjy mekemesiniń menedjeri ekeni belgili boldy», dep jazylǵan habarlamada.
Sotqa deıingi tergeý barysynda polıseıler ustalǵan bank qyzmetkeriniń taǵy da osyndaı 18 qylmysqa qatysy baryn anyqtady. Zardap shekken turǵyndar respýblıkanyń ártúrli óńirinde turǵan. Kúdiktiniń áreketinen kelgen shyǵyn mólsheri anyqtalyp jatyr.
