Uzaq merzimdi arnaıy jedel-tergeý is-sharalarynyń nátıjesinde 39 jastaǵy azamat ustalǵan.
«Kınologııalyq qyzmet ortalyǵynyń ıtterin paıdalana otyryp tintý barysynda «Mırnyı» garaj kooperatıvinen polıetılen qap tabyldy. Onyń ishinde «gashısh» esirtki zaty bolǵan. Satýǵa daıyndalǵan zattyń salmaǵy - 25 keli», dedi Nur-Sultan qalasy PD esirtki qylmysyna qarsy is-qımyl basqarmasynyń bastyǵy, polısııa polkovnıgi Erlan Akbarov.
Tárkilengen esirtkini tutyný kólemi 5000 bir rettik dozany quraıdy. Quny «qara naryqta» 30 mıllıon teńgege jetedi. Atalǵan fakti boıynsha QR QK 297-baby 3-bóligi boıynsha sotqa deıingi tergeý amaldary júrgizilýde.
«Kúdikti óz kinásin moıyndady. Elorda aýmaǵynda esirtki jetkizýge jáne ótkizýge qatysy bolýy múmkin basqa da adamdar anyqtalýda», dep tolyqtyrylǵan departamenttiń baspasóz qyzmeti taratqan habarlamada.
Aıana Toǵanbek
