EÝRAZIIаLYQ EKONOMIKALYQ ODAQ – DAMÝDYŃ JAŃA MÚMKINDIGI
Almatydaǵy Turan ýnıversıtetiniń májilis zalynda «Eýrazııalyq ıntegrasııanyń ózekti máseleleri» atty taqyrypta dóńgelek ústel bolyp ótti. Onda elimizdiń adamzatqa ortaq mádenı-ekonomıkalyq jáne ǵylymı keńistikke kirigý máselesinde eń ózekti degen pikirler ortaǵa salyndy.
Dóńgelek ústel otyrysyna qatysqan ekonomıst ǵalymdar, saıasattanýshylar men qoǵam qaıratkerleri, saıası partııalar ókilderi men qoǵamdyq uıymdar, shaǵyn jáne orta kásipkerlik odaqtardyń músheleri eýrazııalyq ıntegrasııa keńistiginde júrip jatqan úderiste asa mańyzdy mádenıet, ekonomıka, ǵylym-bilim salasyn qamtıtyn saraptamalyq qujattardy talqylap, salalyq máseleni júıelegen baıandamalar jasady.
Qazaqstan Joǵary oqý oryndary qaýymdastyǵynyń tóraǵasy, Turan ýnıversıtetiniń rektory Rahman Alshanov alqaly jıyndy júrgizip, bas qosqan ǵalymdar men qoǵam qaıratkerlerine kezekpen sóz usynyp otyrdy. T.Rysqulov atyndaǵy Qazaq ekonomıkalyq ýnıversıtetiniń rektory Serik Svıatov, Almaty qalasy Kásipkerler palatasynyń dırektory Erlan Stambekov, Qazaqstan Respýblıkasy Ulttyq ǵylym akademııasynyń akademıgi, professor Saǵyndyq Satybaldın, Qazaqstan Qarjygerler qaýymdastyǵy basqarmasynyń tóraǵasy Serik Ahanov, Almaty lokomotıv paıdalaný deposynyń dırektory Bolat Ospanov, ál-Farabı atyndaǵy Qazaq ulttyq ýnıversıtetiniń professory Sholpan Jamanbalaeva, «Almaty aýyr mashına jasaý zaýyty» AQ-tyń dırektory Jetpisbaı Edigenov ekonomıkalyq jáne mádenı ıntegrasııalyq úderister aıasynda otandyq bıznes, mádenıet pen bilim-ǵylym ókilderi qandaı talaptardy negizge alyp, halyqaralyq básekelestik keńistiginde kezdesetin jaǵdaılar men olardyń sheshimin pikirtalas túrinde ortaǵa saldy.
Halyqaralyq qatynastar, onyń ishinde, memleketterdiń ózara tyǵyz baılanysy, álemdik sharýashylyqtyń odan ári jahandaný úrdisin jáne osymen baılanysty elder arasyndaǵy áriptestikti nyǵaıtý men mamandaný úderisterin retteýdegi obektıvti qajettiligin, halyqaralyq básekelestiktiń ýshyǵýy men sonyń nátıjesi retinde birtutas ekonomıkalyq jáne mádenı eýrazııalyq keńistikti qurý men nyǵaıtýdyń artyp otyrǵan qajettiligin, zamanaýı áleýmettik-mádenı damýdyń dınamıkasyn saraptaý men eýrazııalyq keńistiktegi mádenı jemisti únqatysý qalyptastyrýda konseptýaldy sharalardy ázirleý mańyzdy bolyp tabylatyndyǵyn eskerip, Qazaqstan búgingi zamanǵa tán ıntegrasııalyq úderisterden tys qala almaıtyndyǵy aıtyldy.
Búgingi kúnniń talaptary jańa mindetter qoıatyny haq. О́zara tıimdi ekonomıkalyq keńistikti qurý mindetin sheshýge beıimdelgen, erkindik pen teń quqyqtyq qaǵıdalaryna qurylǵan memleketaralyq jańa birlestiktiń paıda bolýy Qazaqstan Respýblıkasynyń uzaq merzimdi múddelerine saı keletindigin negizge ala otyryp, dóńgelek ústel qonaqtary qarar qabyldady.
Dóńgelek ústelge qatysýshylar, tabıǵı resýrstardy, adamı áleýetti, qalyptasqan ınfraqurylymdardy, ǵylymı-mádenı keńistikti, mamandanǵan óndiristi eskere otyryp, teń quqyqtyq negizde qurylatyn Eýrazııalyq Odaqtyń aldaǵy ýaqytta damyǵan jáne básekege qabiletti memleketaralyq ekonomıkalyq birlestikterdiń biri bolatynyna senim bildiristi.
Qanat ESKENDIR,
«Egemen Qazaqstan».
ALMATY.
Derek pen dáıek
Almatyda «Turan» ýnıversıtetinde ótken dóńgelek ústelge qatysýshylardyń keltirgen málimetterine qaraǵanda, 2013 jyly Almaty qalasynyń Keden odaǵy elderimen syrtqy taýar aınalymy 8,6 mıllıard dollardy quraǵan. * * * Osydan 20 jyldan astam ýaqyt buryn Qazaqstan Prezıdentiniń eýrazııalyq ıntegrasııa jónindegi ıdeıasy búginde tabysty júzege asyrylyp jatyr. Keden odaǵy, Biryńǵaı ekonomıkalyq keńistik quryldy. * * * Jıynǵa qatysýshylardyń aıtýynsha, Qazaqstannyń qarjy sektoryn damytý úshin Ulttyq bank 2030 jylǵa deıingi tujyrymdamany ázirledi. * * * Dóńgelek ústel basyndaǵy pikir almasýda memleket bıznestiń damýyna jaǵdaı jasaý qajettigi, al bıznes ókilderi ony durys paıdalanýmen aınalysýlary tıis ekendigi aıtyldy. * * * Qazaqstandyq kásipkerler úshin Reseı rynogynyń keń kólemde ashylýy ónim óndirý kólemin shamamen 8 esege arttyrýǵa jol ashatyny jıyn barysynda atap ótildi. * * * Dóńgelek ústel kezinde sheteldik bankter adam dúnıege kelip, qartaıǵanǵa deıingi aralyqta 358 qarjylyq qyzmet túrin kórsetetindigi, al qazaqstandyq bankterdiń kórsetetin qyzmeti budan eki ese az ekendigi atap ótildi.
