«Konstıtýsııaǵa engiziletin ózgerister qazir konstıtýsııalyq keńeste. Prezıdent arnaıy jıyn ótkizgenin bilesizder. Sol jıynda bárin talqylap, jumys tobynyń esebin tyńdady, sodan keıin Konstıtýsııalyq keńeske jiberdi. Konstıtýsııalyq keńes sol jobany jarııalady. Jumys toby qandaı baptar usynyp otyrǵanyn jaqsy bilesizder. Sonyń ishinde qazir siz surap otyrǵan bap Elbasynyń mártebesi týraly ǵoı. Bul jerde Elbasynyń mártebesi, artyqshylyqtary alynyp tastaldy. Tek qana osy memlekettiń negizin qalaýshy degen tarıhı róli ǵana sol konstıtýsııada qaldy. Al bul norma qabyldanǵannnan keıin Tuńǵysh Prezıdent týraly konstıtýsııalyq zań kúshin joıady dep kútilýde», dedi Májilis spıkeri BAQ ókilderine baspasóz alańynda bergen suhbatynda.
«Konstıtýsııadaǵy eks-prezıdent týraly norma burynǵy prezıdentke qandaı quzyretter beredi?» dep surady BAQ ókilderi.
«Birinshiden, ar-namysy men abyroıyn qorǵaýǵa quzyret beredi. Ekinshiden, áleýmettik jaǵynan qorǵaý, zeınetaqysy bar, kóligi bar, kúzeti bar, osy máselelerdi qamtamasyz etý memleket tarapynan. Osyndaı quzyret beriledi», dedi Erlan Qoshanov.
