Tártip saqshylary jattyǵý jıynyn ótkizdi

Keshe elimizdegi kúsh jáne tártip quraldarynyń qoǵamdyq tártip pen qaýipsizdikti qamtamasyz etý jónindegi mindetterdi oryn­daý­ǵa daıyndyǵyn tekserýge arnalǵan respýblıkalyq jıyn ótkizildi. Aýqymy jaǵynan teńdessiz bul jıyn elimizdiń 12 oblysy men Almaty qalasynda bir mez­gilde júrgizildi. Jıynǵa Ishki is­ter mınıstrligi ishki ister organ­dary men ishki ister áskerı qyz­metkerlerinen bólek, Tótenshe jaǵ­daılar mınıstrliginiń órt qyzmeti men basqa da bólim­she­leriniń, kólik jáne basqa da organdardyń qyzmetkerleri, Qarýly Kúshterdiń áskerı qyz­metkerleri qatysty. Jıyndy Qazaqstan Respýb­lıkasy Prezıdentiniń kómekshisi – Qaýipsizdik Keńesiniń hatshysy Qaırat Qojamjarov basqardy. Is-sharanyń júrý barysyn Qazaqstan Res­pýblıkasynyń Premer-Mı­nıstri Kárim Másimov baqylady. Jıyn óziniń maqsatyna jetti, onda memlekettik organdardyń ózara birlesken is-qımyly py­syqtalyp, polıseıler men apat­ty-qutqarý qyzmetiniń tehnıkamen jaraqtandyrylý jaıy, olardyń jumystaryndaǵy qalyptasqan daǵdylar, sondaı-aq kúshter men quraldardy beki­tilgen normatıvti merzim sheń­berinde basqa jaqtarǵa aýystyrý jónindegi áreketterdiń júzege asyrylý deńgeıi tekserildi. Jıyn bitkennen keıin bar­lyq kúshter men quraldar ózde­riniń turaqty oryndaryna qaı­taryldy. Premer-Mınıstr Kárim Má­simov Ishki ister mınıstrligi men basqa da memlekettik organdardyń jıyn barysyndaǵy is-qımylyna tutastaı alǵanda oń baǵa berdi. «Egemen-aqparat».