Nurtileý Imanǵalıuly Qazaq televızııasynda tilshi, redaktor, aǵa redaktor, kommentator, bas redaktor, saıası sholýshy, dırektordyń orynbasary, «Habar» agenttiginde moderator-júrgizýshi, odan keıin Úkimet keńsesinde sektor meńgerýshisi, Prezıdent Ákimshiliginde bas maman bolyp istegen. Korrýpsııaǵa qarsy kúres jónindegi memlekettik komıssııasynyń múshesi. «Qazaqstan» RTRK» AQ Basqarma Tóraǵasy qyzmetin atqarǵan. N.Imanǵalıuly telejýrnalıstıkadan aınymaǵan tulǵa. Ǵumyrynyń 47 jylyn televızııaǵa arnaǵan.
Kórmeniń maqsaty - jýrnalıstıka ardageri Nurtileý Imanǵalıulynyń qoǵamdaǵy róli men sińirgen eńbegin jurtshylyqqa nasıhattap, jýrnalıstıka qaıratkeri jaıly esteliktermen bólisý, jas urpaq boıyna patrıottyq rýh qalyptastyrý.
Kórmege Nurtileý Imanǵalıulynyń efırde kıgen ulttyq úlgidegi kıimderi, jeke qoljazbalary men jumys ústelindegi buıymdary, memlekettik jáne merekelik nagradalary, sporttyq kıimderi men qanjar, qamshy, dombyra syndy 200-ge tarta zattary qoıylady.
