Nur-Sultan qalasynyń Almaty aýdandyq soty B-nyń jaýapkerler K-den jáne J-dan moraldyq zııandy óteý týraly talap aryzy boıynsha azamattyq isti qarady.
2021 jylǵy qyrkúıek aıynda burynǵy synyptastarynyń WhatsApp-taǵy chatynda jaýapkerlerdiń balasy óziniń synyptastaryna, sonyń ishinde talap qoıýshynyń qyzyna qadir-qasıetin qorlaıtyn habarlamalar jazǵan. Qyzdyń anasy 5 mln teńge somasynda moraldyq zalal óteý jóninde talap qoıyp, sotqa júgindi.
Sebebi synyptastarynyń qorlaıtyn habarlamalarynyń saldarynan onyń kámeletke tolmaǵan qyzy bir aı boıy kúızeliske túsip, jylaǵan. Sonyń saldarynan qyzyna psıhologtyń kómegi qajet bolǵan. Kámeletke tolmaǵandar isteri jónindegi mamandandyrylǵan aýdanaralyq sottyń qaýlysymen jasóspirimniń ákesi kámeletke tolmaǵan balany tárbıeleý boıynsha óz mindetterin oryndamaǵany úshin ákimshilik jaýapkershilikke tartylǵan.
Moraldyq zııandy óteý mólsherin anyqtaý kezinde sot synyptastaryn qorlaý nátıjesinde psıhologııalyq kúızeliske ushyraǵan kámeletke tolmaǵan qyzdyń jeke múliktik emes ıgilikteri men quqyqtarynyń ómirlik mańyzyn, sondaı-aq jaýapkerlerdiń otbasylyq jáne múliktik jaǵdaıyn eskerdi.
Sot sheshimimen talap qanaǵattandyryldy. Balanyń ata-anasynan talap qoıýshynyń paıdasyna ortaq tártipte 2 mln teńge mólsherinde moraldyq zııannyń ótemaqysy óndirip alyndy. Sheshim zańdy kúshine engen joq.
