Finprom.kz zertteýinde kórsetilgendeı, tirkelgen jemqorlyq qylmystarynyń úshten biri para alý qylmysynyń úlesine tıdi. Bir jyl burynǵydan birden 246 oqıǵaǵa kóbeıgen (48,2%-ǵa artyq).
Para berý isi sybaılas jemqorlyqpen aınalysatyn sheneýnikterdiń arasynda «tanymaldyǵy» boıynsha ekinshi oryndy ıelendi: 198 quqyq buzýshylyq, plıýs 14,5%. Odan keıin bótenniń senip tapsyrylǵan múlkin ıemdený nemese jymqyrý keledi: 88 is, jylyna plıýs 31,3%.
Qyzmet babyn asyra paıdalaný, alaıaqtyq ta saladaǵy jıi kezdesetin zań buzýshylyqtardyń qatarynda.
О́ńirlik turǵyda Almaty oblysy para alý boıynsha aldyńǵy orynda: 67 jaǵdaı, jylyna plıýs 2,4 ese. Sonymen qatar Almaty (57 jaǵdaı, plıýs 42,5%) jáne Nur-Sultan (47 jaǵdaı, mınýs 11,3%) da alǵashqy úshtikke kiredi.
Bul jaǵynan Qyzylorda oblysynda jaǵdaı ońalǵan. Nebári 5 jaǵdaı tirkelgen. Bul bir jyl burynǵydan az. Bir jyl buryn 11 jaǵdaı tirkelgen edi.
Paraqorlyqqa para alý, berý jáne para berýge deldaldyq jatady. Jyl basynan beri sektorda 459 jaǵdaı tirkelip, ótken jyldyń sáıkes kezeńimen salystyrǵanda 31,5%-ǵa artqan.
