Atalǵan is-sharaǵa Ulttyq ulan Bas qolbasshylyǵynyń jeke quramy jáne ardagerleri, kúsh-qurylymdardyń ókilderi men mereıtoı ıesiniń jaqyndary qatysty.
«General Bolat Janasaevtyń ómirlik joly óskeleń urpaqqa úlgi bolyp tabylady. Otanǵa rııasyz qyzmettiń jarqyn úlgisin Bolat Baqytjanulynyń ómirlik jáne áskerı jolynan kóremiz. Búgingi kúni Ulttyq ulan men basqa da ásker túrinde qyzmet atqaryp júrgen joǵary laýazymdy ofıserlerdiń kóbisi ózderin general B. Janasaevtyń shákirtteri sanaıdy. Biz búgingi mereke ıesine kóp jylǵy komandırlik qamqorlyǵy úshin alǵysymyzdy bildiremiz», dedi Qazaqstan Respýblıkasy Ishki ister mınıstriniń orynbasary - Ulttyq ulan Bas qolbasshysy general-maıor Erkin Botaqanov.
Saltanatty jıyn Ulttyq ulan án-bı Ansambliniń oryndaýyndaǵy merekelik konsertke ulasty. Sondaı-aq general Bolat Janasaev barsha jınaǵan qaýymǵa alǵysyn aıtyp, óziniń esteligi jınaqtalǵan kitabynyń tusaýyn kesti.
