Táýelsizdik tarıhyndaǵy jańa kezeń

Memleket basshysy Qasym-Jomart Toqaev óziniń «Jańa Qazaqstan: Jańarý men jań­ǵyrý joly» atty Joldaýynda atap ótkendeı, elimizdi saıası jańǵyrýsyz jáne odan ári demokratııalandyrýsyz progress pen aýqymdy áleýmettik-ekonomıkalyq qaıta qurýlar múmkin emes.

Konstıtýsııaǵa engiziletin ózgeris­terde demokratııalyq qaıta qurýǵa degen adaldyq­ty kórsetetin mańyzdy saıası reformalar bar ekenin atap ótken jón. Shyn máninde, jańa ózgerister memlekettiliktiń jańa úlgisi – jańa Qazaqstan­dy damytýǵa serpin beredi jáne Qazaqstan azamattary respýblıkalyq referendýmda mańyzdy sheshim qabyldaıtyn bolady.

«Respýblıkalyq referendým týraly» Konstıtýsııalyq zańǵa sáı­kes referendýmdy uıymdastyrý men ótkizý ashyq ári jarııa túrde júzege asady. Qazaqstan Respýblı­ka­sy­nyń azamattary men qoǵam­dyq birlestikterine referendýmǵa shyǵarylǵan másele boıynsha óz pikirin bildirý quqyǵyna kepildik beriledi.

Referendým qabyldaǵan sheshimniń ja­rııa­lanǵan kezden bastap Qazaqstan Res­pýb­­lıkasynyń búkil aýmaǵyn­da mindetti túr­de kúshi bolady jáne res­pýblıka Prezı­denti­niń nemese mem­lekettik ókimet organ­dary­nyń aktilerimen rastaýdy qajet etpeıdi.

Bizdiń ortaq maqsattary­myzdy júzege asyrýdaǵy sal­maq­tylyq pen tabandylyq, jańa jaǵdaıǵa ashyq­tyq pen qol jetken jetistikterdi qurmet­teý bizdiń ulttyq múddelerimizge saı keletinin jáne búkil Qazaq­stan halqy­nyń ıgiligi úshin damýǵa tikeleı yqpal etetinin atap ótkim keledi.

Vladımır VOLKOV,

Senat depýtaty