IIM Esirtki qylmysyna qarsy is-qımyl departamenti bastyǵynyń mindetin atqarýshy Asqar Muhametqalıevtiń aıtýynsha, fıgýranttarǵa jedel ázirleme jasaý úshin IIM ortalyq apparatynyń, polısııa departamentteri men Jambyl oblysy boıynsha UQK-niń tájirıbeli qyzmetkerleri arasynan arnaıy top quryldy.
Omby jáne Taraz qalalarynda bir mezgilde júrgizilgen is-sharalar nátıjesinde polıseıler Reseı Federasııasyndaǵy sıntetıkalyq esirtkilerdiń negizgi jóneltýshisin jáne Qazaqstanda ony qabyldap alýshyny ustady. Fıgýranttardyń turǵylyqty jerleri boıynsha tintý barysynda iri esirtki zerthanalary anyqtaldy. Ustalǵan Omby qalasynyń turǵyny «sıntetıkany» daıyndap, poshta jóneltilimderi arqyly Ortalyq Azııa elderine, onyń ishinde Qazaqstanǵa jiberip otyrǵan. Osy rette ol jasandy qujattardy paıdalanyp, sálemdemelerdi túrli taýarlar – mashına maıy, turmystyq hımııa jáne t.b. túrinde jasyryp otyrǵan.
Polıseıler jalpy somasy 9,5 mln astam AQSh dollaryna baǵalanatyn 260 kg esirtkini tárkiledi.
