Bul jaıynda vedomstvo óziniń Youtube kanalynda málim etti.
«Nátıjesinde memleketke 165 mlrd teńgege zalal keltirgen kedendik tólemderden jaltarý jáne taýarlardy jalǵan deklarasııalaý faktileri anyqtaldy. Tek Qytaımen shekaralas keden beketterinde taýarlardy jalǵan deklarasııalaýdyń 367 faktisi oryn alǵan. Kásipkerlerdiń salyqtan jaltarýy úshin, ýákiletti ekonomıkalyq operatorlar sońǵy eki jylda 221 mıllıard teńgege jalǵan schet-faktýra jasaǵan. Tekserýdiń tek bir aıynda jalpy quny 800 mıllıon teńgeni quraıtyn kontrabandanyń 16 faktisi anyqtaldy. Mysaly, «GROUP OF THE COMPANIES TDA» kompanııasy 287 mln teńgeniń taýaryn shekaradan zańsyz ótkizgen. Atalǵan kompanııanyń dırektory qamaýǵa alyndy», delingen vıdeoda.
Sondaı-aq keden salasyndaǵy jumyskerler óz qyzmetin laıyqty oryndamaǵan. Atap aıtqanda, 27 qańtarda «Nur joly» keden beketiniń mamany Moshkanov, «Bereket Logıstık» kompanııasyna tıesili deklarasııalanbaǵan taýardyń salmaǵyn zańsyz azaıtyp, ony 337 kg dep kórsetken.
Alaıda prokýrorlar júkti qaıta teksergen kezde, deklarasııalanbaǵan taýardyń salmaǵy 22 tonna ekendigin anyqtaǵan. Ol taýarlardyń quny 127 mıllıon teńgeni quraǵan.
«Budan bólek aqparattyq júıelerde málimetti zańsyz ózgertý saldarynan 9 ımporttaýshy bıýdjetke 143 mln teńge shyǵyn keltirgen. Bul iske Almaty memlekettik kirister departamenti qyzmetkerleriniń qatysy bar. «Nur joly» keden beketiniń basshysy men onyń orynbasary prokýrorǵa 50 myń AQSh dollary kóleminde, al «Cargo Management» operatorynyń ókili 30 myń AQSh dollary kóleminde para bergen. Alaıda prokýratýra qyzmetkeri olardyń zańsyz áreketine tosqaýyl qoıyp, Sybaılas jemqorlyqqa qarsy qyzmetimen birlesip arnaıy sharalar júrgizý kezinde para berýshilerdiń áreketin áshkerelegen. Joǵaryda atalǵan faktiler boıynsha sotqa deıingi tergep-tekserý júrgizilýde. Kedendik retteý salasyndaǵy problemalardy joıý úshin Úkimetke prokýrorlyq qadaǵalaý aktisi engizildi», delingen habarlamada.
