Qyrǵyz Respýblıkasynyń syrtqy ekonomıkalyq qyzmetiniń josyqsyz qatysýshylary eki eldiń arasyndaǵy ýaǵdalastyqty paıdalana otyryp, Qazaqstanǵa deklarasııalanbaǵan, kontrafaktilik júk ákelý úshin ózderiniń jasyryn shemasyn qoldanady. Mysaly, 28 sáýirde Qyrǵyz Respýblıkasynan kele jatqan júk kóligin tekserý kezinde Belarýs Respýblıkasynyń 1,1 mln jalǵan aksızdik markalary anyqtaldy. Bul is materıaldary Jambyl oblysy boıynsha ekonomıkalyq tergeý departamentine jiberildi.
Sondaı-aq, atalǵan kólikten 2 myńnan astam deklarasııalanbaǵan taýar (beınebaqylaý júıesi, kıim-keshek jáne sporttyq qural-jabdyqtar) tabyldy. Baqylaýdy álsiretýdiń saldarynan zańbuzýshylyqtar aıtarlyqtaı ósti jáne Qyrǵyz Respýblıkasynan qujattarǵa sáıkes Qazaqstan arqyly Reseı Federasııasyna tranzıtpen ótýge tıisti maınıng qural-jabdyqtary men elektrondy temeki ákelý faktileri jıileı túsken.
Sáýir aıynda maınıng qural-jabdyqtary boıynsha jalǵan tranzıttiń 6 faktisi anyqtaldy, ıaǵnı tranzıt dep málimdelgen taýarlar Qazaqstan aýmaǵynda qalǵan. Kásipkerlik sýbektileriniń mundaı áreketteri EAEO-daǵy seriktes elderdiń bıýdjetine zııan keltiredi, sondyqtan baqylaý kúsheıtiletindigin aıta ketý kerek.
