– Kórnekti memleket qaıratkeri jáne álemdik aýqymdaǵy saıasatker retinde Siz uly derjava sanalatyn Reseıdiń mártebesin nyǵaıtý jolynda dáıekti saıasat júrgizip kelesiz. Reseı tikeleı aralaspasa, birde bir iri jáne eleýli halyqaralyq másele sheshimin tappaıdy. Siz jahandyq tártip túbegeıli ózgerip jatqan qıyn kezeńde el basqaryp, orys halqy men Reseı memlekettiligi úshin taǵdyrsheshti mánge ıe mıssııany abyroımen jáne laıyqty deńgeıde atqaryp kelesiz. Qazaqstan Reseı ekonomıkasynyń damýyna jáne halyqaralyq arenada tabysqa jetýine shyn máninde tilektes. Bizdiń memleketterimiz alyp Eýrazııa keńistiginiń negizin quraıdy. Berik ári birtutas Eýrazııa qaýipsizdigin saqtaý úshin birlese jumys atqaryp jatyrmyz. Eki eldi tarıhı tamyrlastyq, mádenı dástúrler, uqsas mentalıtet, bastysy, álemdegi eń uzyn shekara biriktiredi. Sondyqtan máńgi dostyq, tatý kórshilik jáne ózara senim degenimiz – jaı ǵana úgit-nasıhat urany emes, halyqtarymyzdyń beıbit tirshiliginiń máni jáne qoǵamdyq ómirdiń barlyq salasyndaǵy tabystyń myzǵymas kepili. Biz Qazaqstanda muny jaqsy túsinemiz jáne Reseımen jan-jaqty yntymaqtastyqty basty baǵyt retinde qarastyramyz. Sonymen qatar bul isti jalǵastyrý elderimizdiń qazirgi jáne keleshek basshylarynyń qasıetti mindeti dep sanaımyz. О́ıtkeni eki eldiń dostyǵy men yntymaǵyn eshteńe almastyra almaıdy, – dedi Prezıdent.
Qasym-Jomart Toqaevtyń aıtýynsha, kelissózder delegasııa músheleriniń qatysýymen iskerlik jáne konstrýktıvti sıpatta ótti.
Qazaqstan men Reseı prezıdentteri birlesken málimdeme jasady
Taraptar kún tártibindegi barlyq másele boıynsha nátıjeli pikir almasty. Eýrazııadaǵy qaýipsizdikke basa nazar aýdaryldy.
– Álemdik saıasatta turaqsyzdyq beleń alǵan shaqta memleketaralyq seriktestiktiń ornyqty ári túsinikti úlgisi aıryqsha qundylyqqa aınaldy. Qazaqstan men Reseıdiń qarym-qatynasy bul maqsatqa tolyq saı keledi. О́ıtkeni ol ýaqyt tezinen ótken jáne jańa dáýirdiń syn-qaterlerine tótep berip otyr. San qyrly seriktestigimiz qos halyqqa naqty paıda ákeletin aýqymdy jobalarǵa negizdeledi. Saýda-ekonomıkalyq baılanystardyń ornyqtylyǵy, kásipkerlerdiń belsendiligi eki el ekonomıkasynyń negizgi salalaryndaǵy ósimdi qamtamasyz etip otyr. Sońǵy bes jylda tek agroónerkásip salasyndaǵy ekijaqty saýda-sattyq kólemi 1 mıllıard dollarǵa ulǵaıdy. Investısııalyq yntymaqtastyq qarqyndy túrde damyp keledi. Osyǵan deıin aıtylǵandaı, Reseı Qazaqstan ekonomıkasyna quıǵan tikeleı ınvestısııa boıynsha kósh bastap tur. Jalpy ınvestısııa kólemi 29 mıllıard dollardan asty. Al Qazaqstannyń Reseı ekonomıkasyna salǵan ınvestısııasy 9 mıllıard dollarǵa jetti. Bul da jaqsy kórsetkish. Qazaqstanda reseılikterdiń úlesi bar 20 myńnan asa kompanııa tabysty jumys isteıdi. Bıyl 20 tamyzda ótetin Qazaqstan-Reseı óńiraralyq yntymaqtastyq forýmy saýda-ekonomıkalyq, ınvestısııalyq salalardaǵy áriptestik áleýetin arttyrýǵa tyń serpin beretinine senimdimiz, – dedi Qazaqstan Prezıdenti.
Qazaqstannyń Reseı ekonomıkasyna salǵan qarjysy 9 mıllıard dollardan asty
