Qazaqstan • 04 Mamyr, 2022

Qarýly Kúshter týraly qundy qujattar

244 ret kórsetildi

Mazmuny ulttyq ıdeıamen órilgen árbir memlekettik strategııalyq qujatta áskerı qaýipsizdik máselesi qashanda basymdyqqa ıe bolyp keledi. Ulttyq qaýipsizdiktiń mańyzdy quraly sanalatyn sala jumysyn kópshilikke tanys­ty­rý maqsatymen Qazaqstan Respýblıkasynyń Ulttyq mýzeıinde Qazaqstan Respýblıkasy Prezıdentiniń Arhıvi men Qazaqstan Respýblıkasy Qarýly Kúshteriniń Áskerı-tarıhı mýzeıi birlesip, Qarýly Kúshterdiń qurylýynyń 30 jyldyǵyna oraı «Qýatty Armııa – qýatty Qazaqstan» atty tarıhı-qujattyq kórme uıymdastyrdy.

Kórmede 1992 jyly 7 mamyrda Qazaqstan Prezıdentiniń Jarlyǵymen qurylǵan Qazaqstan Qarýly Kúshteriniń 30 jyldaǵy jetistikteri týraly qundy qujattar jáne qurylymdyq jańǵyrý jo­lyn­daǵy áskerı qyzmettiń bedeli men qýa­tyn sıpattaıtyn maketter kópshilikke nazaryna usynyldy.

Is-sharaǵa qatysýshylardy quttyq­taǵan Qorǵanys mınıstriniń oryn­basary Sultan Kamaletdınov kórmede Qazaqstan armııasynyń qurylý tarıhy jáne onyń túrleri men qyzmetteriniń, bitimgershilik sharalardan alǵan tájirıbeleriniń eks­po­natt­yq materıaldary usynylǵanyn atap ótti. Onyń aıtýynsha, kórme barysynda otan­dyq áskerı tehnıkalarmen, áskerı kıimdermen jáne túrli ekıpırov­ka­lar­men, sondaı-aq áskerı zamanaýı teh­no­logııalar­men tereńirek tanysýdyń múm­kindigi zor.

Kórmeniń aýqymdylyǵyn ári kásibı deń­geıde jan-jaqty qamtylýyn uıym­das­tyrǵan Qazaqstan Respýblıkasy Pre­zıdenti Arhıviniń dırektory Álııa Mus­tafına elimizdiń qaýipsizdigi men beıbit ómirin qorǵap otyrǵan Otan qorǵaý­shy­lar­ǵa alǵysyn bildire otyryp, Qarýly Kúsh­ter­diń 30 jyldyq mereıtoıymen qut­tyqtady. О́z sózinde Arhıv dırektory Qarýly Kúshteriniń Áskerı-tarıhı mýzeıi­men birlese daıyndaǵan «Qazaqstan Res­pýblıkasynyń Qarýly Kúshteri. 1991-2001: qu­jattar men materıaldar» jı­­­naǵyna engen Qarýly Kúshterdiń qu­ry­lýy, damý kezeńderine qatysty ar­hıv­­tik qujattardyń mańyzdylyǵyna toq­­­talyp ótti. Tarıhı derekter men jádi­gerlerdi saqtaý jáne ony qajetti deń­geıde na­sıhattaý maqsatynda arhıv pen mý­zeıdiń jumysynyń ortaq ekenin eskergen Arhıv dırektory osy baǵytta Qazaq­stan qarýly kúshterine qa­tysty kezeń­derge bólingen qundy qujat­tar­dan quralǵan jınaqtardy odan ári jaryqqa shy­ǵarýǵa ázir ekenin jetkizdi. Arhıv dırektory Álııa Mustafına me­reı­tolyq mereke qarsańynda sharany ótkizýge qoldaý bildirgen Qazaqstan Ult­tyq mý­zeıiniń dırektory Arystanbek Mu­ha­medıulyna alǵysyn bildirip, erlik, rýh pen namys biregeıligin eńsergen áske­rı qyzmetshilerdiń ıgilikti eńbegin ja­rııa­laýǵa jaýapty mekemelerdiń mindeti zor ekenin aıtty.

Memlekettiń jazba tarıhyn qalyptas­ty­ratyn mańyzdy mekeme Arhıvtiń ult­tyq rýhty kóteretin mártebeli data aıasynda uıymdastyrǵan bul kórmesinde jaýyngerge shynaıy qurmet kórsetý, ba­balar amanaty – Otan anany syrtqy kúsh­ten qorǵaıtyn áskerı qurylymdardyń qyz­metin tanystyratyn jádigerleri kóp­shi­liktiń qyzyǵýshylyǵyn týǵyzatyny anyq.

Kórmeniń táýelsizdik tarıhyndaǵy teńdesi joq tereń tálimin atap ótip, «Qa­zaqstan Respýblıkasynyń Qarýly Kúsh­teri. 1991-2001 jj.» qujattyq jına­ǵyn tanystyrǵan Qorǵanys mınıstri­niń keńesshisi Aıgúl Tólembaeva barlyq áskerı uıymnyń negizine aınal­ǵan­ ba­ǵaly qujattar, sonyń ishinde má­tin­der, alǵashqy Qorǵanys mınıstri S.Nur­ma­ǵambetovtiń strategııalyq ıadrolyq qa­rý­lardy zalal­syz­dandyrý jáne olardy Reseıge tap­syrý jónindegi eńbekteri, taǵy da basqa qolbasshylardyń jaryq kórmegen hat almasýlary engizilgen shy­naıy túp­nus­qalar jınaqtalǵan ki­tap­tyń jaryqqa shyǵýyna sebepker bol­ǵan Qazaqstan Respýblıkasy Prezıdenti Arhıvine alǵy­syn bildirdi.

Sońǵy jańalyqtar

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Búgin - Ulttyq dombyra kúni

Qazaqstan • Keshe

Uqsas jańalyqtar