Fýtbol: premer-lıganyń kezekti týry oınaldy

Búgin, 13 sáýir kúni fýtboldan premer-lıga chempıonatyna 6-týr oıyndary oınaldy. Bul týraly egemen.kz habarlady. Bul kúni eń qyzyqty oıyn Qyzylordada oınaldy. Munda Dmıtrıı Iýgaıdyń shákirtteri Pavlodardyń «Ertisin» talqandap shyqty – 4:2! Biraq onyń basynda qonaqtardyń desi basym shyqty. Olar 5-mınýtta-aq alǵashqy goldaryn salyp úlgerdi (Igor Iýrın). Syrboıylyqtar tek 20-mınýtta ǵana esepti penaltıden teńestire aldy (Dýshan Savıch). Alaıda, qonaqtar 6 mınýttan keıin taǵy alǵa shyqty. Bul joly Konstantın Dýdchenko kózge tústi. Qaısarlyqtar 42-mınýtta Sergeı Strýkovtyń kómegimen esepti qaıta teńestirdi. Al ekinshi taımdaǵy tek golda alań ıeleriniń enshisinde boldy. Olardy Anton Zemlıanýhın men Dýshan Savıch 48 jáne 66-mınýttarda saldy. Týrda eń tez gol salǵan shymkenttikter boldy. О́z alańynda «Aqtóbeni» qabyldaǵan «Ordabasy» matchtyń 2-mınýtynda qarsylas qaqpanyń qulpyn ashty. Ony komandanyń mergen shabýylshysy Edın Iýnýzovıch túsirdi. Alaıda, osydan keıin qarsylastar qaıtyp kózge túse almady. Osylaısha oıyn basynda salynǵan jalqy dop kezdesýdiń sońǵy nátıjesi de boldy. Astanada jergilikti «Astana» komandasy Qostanaıdyń «Tobylyn» qabyldap, 1:0 esebimen jeńdi. Oıyn onshalyqty qyzyqty bolyp ótken joq. Ol eki jaqtyń shamalas, teń ekenin kórsetti. Al kezdesý taǵdyryn sheship ketken jalǵyz goldy alań ıeleri penaltıden saldy. Ony Damır Koıashevıch 79-mınýtta óz esebine jazdy. Taldyqorǵanda «Jetisýǵa» qarsy oınaǵan Qaraǵandynyń «Shahteri» basymdyq tanytty. Sońǵy oıynda ózin tabandy ujym retinde kórsete bastaǵan Omarı Tetradzeniń jigitteri oılamaǵan jerden 1:2 bolyp utylyp qaldy. Al bul esep kezdesýdiń 28-mınýtynda jazyldy. Matchtyń esebin taldyqorǵandyqtar 16-mınýtta Sergeı Shafftyń kómegimen ashty. Biraq buǵan qonaqtar yǵa qoımady. Qaıta tyńǵylyqty oınaýǵa kóshken olar 5 mınýttan keıin Maqsat Baıjanovtyń arqasynda tarazy basyn teń etti. Al 7 mınýt ótkende, Toqtar Jańǵylyshbaı kenshilerdi alǵa shyǵardy. Atyraýda jergilikti «Atyraý» Semeıdiń «Spartagyn» 2:1 etip tize búktirdi. Birinshi gol 8-mınýtta alań ıeleriniń urýymen penaltıden salyndy (Fılıpp Rýdık). Meımandar 61-mınýtta osynyń qarymtasyn qaıtardy (Nemanıa Chovıch). Al match bitýge 5 mınýt qalǵanda, Sergeı Grıdın atyraýlyqtarǵa jeńis kiltin ustatty. Eń sońynan Almatyda «Qaırat» pen «Taraz» arasyndaǵy kezdesý de qyzyqty ótti. Munda almatylyqtar bıylǵy chempıonattaǵy birinshi jeńisine jetti. Esep – 3:1! Vladımır Vaıstyń ulandary oıyn basynan alǵa umtyldy. Olar esepti de birinshi bolyp ashty. Ony Jarko Markovıch 36-mınýtta túsirdi. 43-mınýtta Iosıp Knıajevıch  esepti ulǵaıtty. Qonaqtar 70-mınýtta bir doptyń qarymyn qaıtardy (Alekseı Shetkın). Oıyndaǵy sońǵy goldy match sońyndaǵy qosymsha ýaqytta Aleksandr Kıslısyn saldy. Damır Qojamqul. Derekkóz: egemen.kz. Foto: vesti.kz.