Aqtaýda salyq departamentiniń qyzmetkeri paramen ustaldy

Mańǵystaý oblysynyń ortalyǵy – Aqtaý qalasynda salyq departamentiniń qyzmetkeri 4 mln. teńge para alyp jatqan jerinde qolǵa tústi. Bul týraly lada.kz habarlady. «Aqtaý qalasynda salyq departamentiniń qyzmetkeri 4 mln. teńge paramen ustaldy», - delingen ekonomıkalyq qylmysqa jáne sybaılas jemqorlyqqa qarsy kúres departamenti (qarjy polısııasy) baspasóz qyzmetiniń habarlamasynda. Mańǵystaý oblystyq salyq departamenti salyq aýdıti basqarmasynyń bastyǵy bıylǵy jylǵy 28 naýryzda ustalǵan. Oǵan para aldy degen kúdik keltirilip otyr. Salyq departamentiniń qyzmetkeri aqshany alyp jatqan kezde qolǵa túsken. Onyń kóliginen arnaıy tańba salynǵan 4 mln. teńge alynǵan. Qarjy polısııasynyń málimeti boıynsha, salyq departameniniń qyzmetkeri jergilikti bıznesmenniń kompanııasyna júrgiziletin tekserý jumystarynyń qorytyndysyn oń baǵamen aıaqtaý úshin odan osynsha kólemde aqsha talap etken. Ustalǵan qyzmetkerge qarsy qylmystyq is qozǵaldy. Oǵan endi 12 jyl túrmede otyrý jazasy qaýpi tónip tur. Qurysh Nurymbet. Derekkóz: lada.kz. Foto: lada.kz.