Birligimiz aıshyqtalatyn saıası oqıǵa

Elimiz túbegeıli ózgeris­ter­diń aldynda tur. Onyń negiz­gi qozǵaýshy kúshi – osy konstı­týsııalyq reformalar bolmaq. Bul reformalardyń máni – eli­mizdegi demokratııany nyǵaıtý, azamattardyń memleket isine aralasý múmkindigin arttyrý. Mine, sondyqtan, Prezıdentimiz Ata Zańǵa engizilgen ózgeristerdi halyqtyń talqysyna salyp, kópshiliktiń sheshimine súıenip qabyldaýdy kózdep otyr.

Buǵan deıin aıtylǵandaı konstıtýsııalyq ózgerister aıasynda sýperprezıdenttik basqarý modelinen alshaqtaımyz. Parlamenttiń jáne jergilikti ókildi organdardyń yqpaly arta túsedi. Quqyq qorǵaý organdaryna qatysty da sheshýshi ózgerister oryn almaq. Mine, munyń barlyǵy azamattardyń múddesiniń, quqy­ǵynyń laıyqty qorǵalýyna, olardyń úniniń bıik minberlerge kedergisiz jetýine kepil bolady.

Prezıdentimiz úndeýinde eli­mizdiń aldynda jańa jáne ádi­letti Qazaqstan qurý mindeti tur­ǵanyn taǵy bir márte eske saldy. Jarııalanǵan konstı­tý­sııalyq reformalar osy mindetti tabysty júzege asyrý úshin qajet ekenin jetkizdi jáne azamattardy aldaǵy referendýmǵa belsendi qatysýǵa shaqyrdy.

Referendým – birligimizdi aıshyqtaıtyn aıtýly saıası oqıǵa. Azamattarymyz Mem­le­ket basshysy aıqyndaǵan saıası jańǵyrý bastamalaryn qol­daıdy dep senemiz. Elimiz aman, jurtymyz tynysh, birligimiz bekem bolsyn! Jańa Qazaqstandy qurýǵa birge atsalysaıyq.

Máýlen ÁShIMBAEV,

Senat Tóraǵasy