Halyqaralyq konferensııaǵa Túrki memleketteri uıymynyń Bas hatshysy Baǵdat Ámreev pen QR Aqparat jáne qoǵamdyq damý mınıstri Asqar Omarov, Túrkistan oblysynyń ákimi О́mirzaq Shókeev pen Halyqaralyq túrki akademııasynyń prezıdenti Darhan Qydyráli qatysyp jatyr.
Sonymen qatar, Túrki memleketteri uıymy aqsaqaldar keńesiniń múshesi Ikram Adyrbekuly men Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly shaqyrylǵan. Jıynda Túrkııa Respýblıkasy Din isteri basqarmasynyń basshysy, Bas múftı Álı Erbash pen Kavkaz, Qyrǵyzstan, О́zbekstan musylmandary basqarmasynyń basshylary óz pikirin ortaǵa salyp jatyr.
Konferensııada túrki dúnıesine ortaq Qorqyt ata, Iаsaýı, Máýlána, Náýáýı, Manas muralaryn dáripteý, Matýrıdı senim mektebi men Ábý Hanıfa mázhabyn halyqqa jetkizý máseleleri sóz boldy. Dinı oqý-aǵartý salasy boıynsha birlesken jobalardy júzege asyrý, jahandyq syn-qaterge jaýap berýde musylman úmbetiniń ózara yntymaǵyn arttyrý jaıy ortaǵa salyndy.
Dinı merekelerdi bir kúnde atap ótý men ortaq pátýalar qabyldaý, destrýktıvti dinı aǵymdardyń teris úgit-nasıhat jumystaryna jol bermeý talqylandy.
