Oblystyq Qazaqstan halqy Assambleıasynyń músheleri, oblystyq qoǵamdyq damý basqarmasy «Qoǵamdyq kelisim» KMM-niń basshylyǵy, óńirdegi etnomádenı birlestikterdiń jetekshileri, «Assambleıa jastary» RQB oblystyq ókildigi men qalanyń belsendi jastary, HQTÝ stýdentteri qatysqan mádenı is-sharanyń ashylýynda quttyqtaý sóz sóılegen HQTÝ rektory Janar Temirbekova túrki jurtynyń basyn qosqan ıgi sharanyń mán-mańyzyna toqtaldy. Al rektor ókili Jengız Tomar elimizde ómir súrip jatqan barsha etnostardyń tili men mádenıetiniń saqtalýyna múmkindik jasalǵanyn aıta kelip, barsha qazaqstandyqtarǵa bereke-birlik tiledi.
Sondaı-aq festıval sheńberinde túrki halyqtarynyń arnaıy merekelik konserti usynyldy. О́nerpaz jastar túrki halqynyń birligi, dostyq, otansúıgishtik taqyryptarynda án shyrqap, kópshiliktiń qoshemetine bólendi. Ýnıversıtet túrkitildes memleketter men qaýymdastyq jastaryna bir shańyraq astynda sapaly bilim berý jáne ınnovasııalyq oqytý men ǵylymı zertteýlerde kóshbasshy bolýlarynda septigin tıgizip kele jatqanyn aıta ketelik.
