OSK referendýmǵa 18 jasqa tolǵan jáne belsendi saılaý quqyǵyna ıe Qazaqstan Respýblıkasynyń azamaty 5 maýsymǵa taǵaıyndalǵan Qazaqstan Respýblıkasynyń Konstıtýsııasyna túzetýler boıynsha respýblıkalyq referendýmǵa qatysa alatynyn atap ótti.
«Sizdiń respýblıkalyq referendýmǵa qatysý quqyǵy bar azamattardyń tizimderine engizilýińiz referendýmǵa qatysý konstıtýsııalyq quqyǵyńyzdyń iske asyrylý kepili bolyp tabylady. Jergilikti atqarýshy organdar (ákimdikter) tizimderdi Sizdiń daýys berýge arnalǵan naqty ýchaskeniń aýmaǵyndaǵy turǵylyqty jerińiz boıynsha turaqty tirkelýińizdiń negizinde jasaıdy. Ýaqytsha tirkelgen azamattar tizimderge berilgen ótinish negizinde engiziledi», delingen úndeýde.
Daýys berýge arnalǵan ýchaskeler tıisti ákimderdiń sheshimderimen qurylady, olardyń shekaralary buqaralyq aqparat quraldarynda jarııalanady.
«О́z ýchaskeńizdi bilip, tizimge engizilgenińizdi Siz jergilikti atqarýshy organǵa habarlasyp, teksere alasyz. Tizimde bolmaǵan jaǵdaıda, Siz ákimdikke tıisti ótinish berýge quqylysyz», deıdi OSK.
20 mamyrdan bastap saılaý ýchaskesinde respýblıkalyq referendýmǵa qatysý quqyǵy bar azamattar tiziminen ózi týraly derekterdi teksere alady.
Qandaı da bir ózgerister engizý qajet bolsa, dereý ýchaskelik referendým komıssııasyna júginý qajet.
