Qazaqstan • 11 Mamyr, 2022

Májilis jeke tulǵalardyń bankrottyǵy týraly zań jobasyn qaraıdy

75 ret kórsetildi

Parlament Májilisi «Qazaqstan Respýblıkasy azamattarynyń tólem qabilettiligin qalpyna keltirý jáne bankrottyǵy týraly» zań jobasy men ilespe qujattardy talqylaıdy, dep habarlaıdy Egemen.kz.

Májilis Spıkeri Erlan Qoshanov palatanyń jalpy otyrysynda atalǵan zań jobasynyń mańyzdy tustaryn atap ótip, ony talqylaýdy barynsha ashyq ótkizýge shaqyrdy.

«Qarjylyq ıntsıtýttardyń múddeleri men bizdiń azamattardyń suranystary arasynda teńgerim tabý qajet. Osy maqsatta júıeli sheshimder qabyldanýy kerek», dedi ol.

Buǵan deıin habarlanǵandaı, Úkimette «QR azamattarynyń tólem qabilettiligin qalpyna keltirý jáne bankrottyǵy týraly» zań jobasy ázirlendi. Qarjy mınıstrligi jeke tulǵalardyń bankrottyǵyn kózdeıtin zań jobalary boıynsha jarııa tyńdaýlar ótkizdi.

«Búgingi tańda azamattardyń edáýir bóligi túrli sebepter boıynsha qarjylyq jaǵdaıynyń nasharlaýyna tap bolyp otyr. Bunyń negizgi faktorlary - jumysynan nemese eńbek qabilettiliginen aıyrylý, jalpy ekonomıkalyq quldyraý aıasynda ál-aýqat deńgeıiniń tómendeýi jáne koronavırýstyq ınfeksııa boıynsha karantındik sharalardy engizý. Bizdiń otandastarymyzdyń tólem qabilettiligi qalpyna keltirilýi tıis», dedi QR QM Memlekettik kirister komıteti tóraǵasynyń orynbasary Qaırat Mııatov.

Onyń aıtýynsha, mınıstrlik «Tólem qabilettiligin qalpyna keltirý jáne azamattardyń bankrottyǵy týraly» zań jobasy boıynsha jumysty aıaqtady.

Sondaı-aq zań jobasynda bankrottyqtyń qarjylyq saýattylyqty arttyrý boıynsha mindetti kýrstardy ótkizý kózdelgen. Ázirlengen zań jobasy 21 zańnamalyq aktige (8 kodeks pen 13 zań) ózgerister men tolyqtyrýlardy engizedi.

Aıta ketsek, zań jobasy áli qabyldanǵan joq.

«Tólem qabilettiligin qalpyna keltirý jáne azamattardyń bankrottyǵy týraly» zań jobasy jáne eki ilespe zań jobasy memlekettik organdarmen kelisilip, QR Premer-Mınıstriniń Keńsesine engizildi.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar