«Atmosferalyq fronttardyń ótýine baılanysty el aýmaǵynyń basym bóliginde jańbyr jaýady, respýblıkanyń batysy men ońtústik-shyǵysynda qatty jańbyr men naızaǵaı bolady. Tek Qyzylorda oblysynda jaýyn-shashynsyz aýa raıy bolady. Respýblıka boıynsha keı jerlerde jel kúsheıip, daýyl soǵyp, burshaq jaýady», delingen «Qazgıdromet» RMK baspasóz habarlamasynda.
Almaty oblysynyń ońtústiginde, shyǵysynda, túnde jáne tańerteń taýly jáne taý bókterindegi aýdandarda burshaq jaýyp, daýyl bolýy yqtımal, naızaǵaı kezinde 15-20 m/s jel kúsheıedi, ekpini 23-28 m/s jetedi.
Túnde Batys Qazaqstan oblysynyń batysynda, soltústik-batysynda, kúndiz soltústik jartysynda, ortalyq bóliginde burshaq jaýýy yqtımal, daýyl soǵyp, kúndiz jel 15-20, oblystyń soltústik-shyǵysynda ekpini 23 m/s jetedi.
Jambyl oblysynyń soltústiginde, ońtústik-batysynda, taýly aýdandarynda burshaq, daýyl kútiledi, kúndiz ońtústik-batysta, soltústik-shyǵysta, oblystyń taýly aýdandarynda jeldiń jyldamdyǵy 15-20 m/s jetedi.
Shyǵys Qazaqstan oblysynyń batysynda, ońtústiginde burshaq jaýýy múmkin, kúndiz ońtústik-batysta, ońtústikte jeldiń jyldamdyǵy 15-20 m/s jetedi.
Túrkistan oblysynyń taýly aýdandarynda daýyl, naızaǵaı kezinde jel 15-20 m/s kúsheıedi.
Mańǵystaý oblysynyń soltústiginde, shyǵysynda burshaq jaýýy múmkin, kúndiz soltústikte, ońtústik-batysta jeldiń jyldamdyǵy 15-20 m/s jetedi.
Qostanaı oblysynyń shyǵysynda, Soltústik Qazaqstan oblysynyń soltústiginde, batysynda, kúndiz Atyraý oblysynyń soltústiginde, shyǵysynda, ortalyǵynda, Aqtóbe oblysynyń soltústiginde, batysynda 15-20 m/s jel turady.
