Aımaqtar • 12 Mamyr, 2022

Almatyda jataqhana órtenip, 48 adam baspanasyz qaldy

23 ret kórsetildi

О́rtten zardap shekkender ýaqytsha mektepke ornalastyryldy, dep habarlaıdy Egemen.kz.

Tilsiz jaýdyń saldarynan turǵyndar bar múlki men qujatynan aıyrylǵan. О́rt jalpy aýmaǵy 200 sharshy metrdi sharpyǵan.

Zardap shekkenderdiń aıtýynsha, órt sóndirýshiler kelgenshe syrtqa ózderi shyǵyp úlgergen. Keıbireýler ekinshi qabattyń terezesinen sekirgen.

«Meniń eki balam bar, biz ekinshi qabattan sekirdik. Qujattarymdy alyp úlgerdim. Eki bólmeli páterdi 50 myńǵa jaldap keldik. Bar múlkim sý boldy, paıdalanýǵa jaramsyz. Barar jerimiz joq. Sport zalda turyp jatyrmyz», dedi jataqhana turǵyny Aınur Safarova.

Alataý aýdany kommýnaldyq sharýashylyq bóliminiń basshysy Qanat Áshirbekovtiń aıtýynsha, órtten zardap shekkender ystyq tamaqpen jáne qajetti kerek-jaraqpen qamtylǵan.

«Birinshi qabatta kólik jóndeý ortalyǵy, ekinshi jáne úshinshi qabatta turǵyn úı ornalasqany anyqtaldy. Qazir qurylystyń qujattary tekserilip jatyr. Sonyń qorytyndysy negizinde sheshim qabyldanady», dedi Alataý aýdany tótenshe jaǵdaılar jónindegi basqarma basshysy Nurlan Taýbekov.

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Uqsas jańalyqtar