Spıkerdiń sózinshe, memlekettik satyp alý salasyndaǵy qylmystardyń deni mádenıet, densaýlyq saqtaý, bilim berý jáne qurylys sektorynda júzege asyrylady.
«Máselen, Qyzylorda oblysynda Jalańtós bahadúr eskertkishin salýǵa qarajatty kedergisiz aýdarǵany úshin 1 mln teńge kóleminde para alǵan Mádenıet basqarmasynyń basshysy Ábýova sottaldy. Bıyl Shyǵys Qazaqstan oblysy Borodýlıha aýdany ákiminiń orynbasary Balyqbaev 3 jylǵa bas bostandyǵynan aıyryldy», dedi spıker.
Ol joldar men sý ótkizgish qubyrlardy jóndeýge memlekettik satyp alý kelisim-sharttaryn jasaǵany úshin kásipkerden 1,8 mln teńge kóleminde 10% qaıtarymsyz syıaqy alǵan.
«О́tken jyly agenttik Atyraýda quny 145 mln teńge bolatyn Abaı Qunanbaevtyń eskertkishin jasaý jáne ornatý týraly kelisim jasaǵany úshin 4,5 mln teńge kóleminde para aldy degen kúdikke ilingen Atyraý oblysy ákiminiń orynbasary Hamenovany áshkerelegen bolatyn», degen Ulan Sarqulov mundaı mysaldar óte kóp ekenin jetkizdi.
