Qoǵam • 13 Mamyr, 2022

Elordada kún saıyn esirtki tektes 1 myńnan astam dári-dármek satylady

14 ret kórsetildi

Kún saıyn elorda dárihanalarynda esirtki tektes 1 myńnan astam dári-dármek satylady, dep habarlaıdy Egemen.kz.

Elorda dárihanalarynan esirtkige táýeldilikti týdyratyn preparattardyń kóbisin reseptisiz alýǵa bolady. Sonymen qatar dári-dármekti kishkentaı balaǵa deıin erkin satyp alady eken. Atalǵan máseleni Nur-Sultan qalasy bilim basqarmasynyń basshysy Qasymhan Senǵazıev kóterdi.

«Balalar men jasóspirimderdi nashaqorlyq pen qumar oıyndardan aýlaq etý bizdiń basqarmanyń basty jumys baǵyttarynyń biri. Atalǵan problemamen kúresý maqsatynda aldyn alý sharalary turaqty túrde ótedi. Atap aıtqanda, «Nur-Sultan – esirtkisiz qala» atty 2022-2025 jyldarǵa arnalǵan keshendi jospar aıasynda kámelet jasyna tolmaǵandar arasynda nashaqorlyqqa qarsy aksııalar uıymdastyrylýda. Sonymen qatar qala mektepteri men kolledjderde aqparattyq buryshtar ilingen», dedi Qasymhan Senǵazıev qalalyq máslıhattyń otyrysynda jasaǵan baıandamasynda.

Bilim basqarmasy basshysynyń aıtýynsha, atalǵan baǵyttaǵy jumysqa ata-analar da tartylyp jatyr.

«Esirtkini taratý men qoldanýǵa qatysty problemanyń baryn aıta ketý kerek. Kún saıyn elorda dárihanalarynda eskirtkige mas bolýdy týdyratyn 1 myńnan astam dári-dármek satylady. Preparattardyń kóbisin resepsiz alýǵa bolady. Tipti kishkentaı bala da dári-dármekti erkin satyp ala alady. Osy oraıda atalǵan máselege jiti kóńil bólý kerek. Atalǵan preparattardy qabyldaý kezinde esirtkige 100 paıyz táýeldilik týyndaıdy. Al onyń saldaryn kásibı kómeksiz joıý múmkin emes», deıdi ol.

Sondaı-aq spıker esirtki qoldanatyn jasóspirimderdi anyqtaý maqsatynda turaqty monıtorıngtiń júrgiziletinin aıtty.

«Búginde elordada esirtki psıhotroptyq zattaryn qoldanǵan, kámelet jasyna tolmaǵan 5 tulǵa tirkeldi. Onyń ishinde bireýi 14 jasta, qalǵany 15 pen 17 jas aralyǵyndaǵy jasóspirimder. Aıta keteıik, balalar men ata-analar «111» koll ortalyǵy arqyly kómekke júgine alady», dedi Q. Senǵazıev.

Aıana Toǵanbek

 

Sońǵy jańalyqtar

О́rleýge bastaıtyn ózgeris

Referendým-2022 • Keshe

Altyn satyp alýdyń mańyzy

Ekonomıka • Keshe

Kókeıkesti máseleler tyńdaldy

Referendým-2022 • Keshe

Assambleıa jastary reformany qoldaıdy

Referendým-2022 • Keshe

Qan qysymy «jasaryp» barady

Medısına • Keshe

Ult ustazyna bókeılikterdiń qurmeti

Ahmet Baıtursynuly • Keshe

Aıdynǵa aqsaqa jiberildi

Aımaqtar • Keshe

Taýpisteli taǵylymy

Aımaqtar • Keshe

Talant rýhyna taǵzym

О́ner • Keshe

Aktrısa – aqtarylý

О́ner • Keshe

Yryzdyq joryǵynyń jampozdary

Aımaqtar • Keshe

Uqsas jańalyqtar