Oflaın jáne onlaın formatta uıymdastyrylǵan jıynǵa respýblıkalyq jáne óńirlik buqaralyq aqparat quraldarynyń bas redaktorlary, ishki saıasat basqarmalarynyń qyzmetkerleri qatysty.
Is-shara barysynda 2022 jylǵy 5 maýsymǵa taǵaıyndalǵan respýblıkalyq referendým týraly, «Qazaqstan Respýblıkasynyń Konstıtýsııasyna ózgerister men tolyqtyrýlar engizý týraly» QR Zańynyń jobasy, respýblıkalyq referendýmdy daıyndaý men ótkizý, azamattardy habardar etý, úgit, qoǵamdyq pikirge suraý salý, BAQ ókilderin akkredıtteý, respýblıkalyq referendýmdy qarjylandyrý, sondaı-aq referendým týraly zańnamany buzǵany úshin jaýapkershilik máseleleri boıynsha túsiniktemeler berildi.
Semınardyń spıkerleri retinde Ortalyq referendým komıssııasy tarapynan Ortalyq referendým komıssııasynyń hatshysy Muhtar Erman, ORK músheleri Sabıla Mustafına, Anastasııa Shegorsova sóz sóıledi.
Jıyn barysynda sonymen qatar Ádilet vıse-mınıstri Alma Muqanova Konstıtýsııaǵa engiziletin ózgerister týraly áńgimelep berdi. Onyń aıtýynsha, halyqtyq talqyǵa usynylatyn jańa qujatty qabyldaýdyń mańyzy zor.
«Aldaǵy ýaqytta Prezıdenttiń jaqyn týystary úshin saıası laýazymdar men kvazımemlekettik sektorda basshylyq laýazymdardy atqarýǵa shekteý qoıylady. Sonymen qatar Prezıdenttiń óz ókilettikterin júzege asyrý kezeńinde saıası partııa múshesi bolýyna tyıym salynatyny buǵan deıin de habarlanǵan bolatyn. Osy ózgeristerdiń mańyzy zor ekeni ras», dedi Alma Muqanova.
Aqparat jáne qoǵamdyq damý vıse-mınıstri Nurgúl Maýberlınova óz sózinde buqaralyq aqparat quraldary kez kelgen uıym ne kompanııanyń referendýmǵa qatysty materıalyna arnaıy belgi soǵylýy tıis ekenin jetkizdi.
Bas prokýrordyń aǵa kómekshisi Azamat Sarǵazın referendým kezinde buqaralyq aqparat quraldaryna qandaı jaýapkershilik júkteletinine toqtaldy. Onyń aıtýynsha, medıa ókilderiniń referendýmǵa qatysty zań buzbaýy óte mańyzdy.
Semınar sońynda Ortalyq referendým komıssııasynyń jáne ýákiletti memlekettik organdardyń ókilderi semınarǵa qatysýshylardyń suraqtaryna jaýap berdi.
