Halyq qalaýlysy aýdan aktıvimen júzdesip, «Qazaqstan Respýblıkasy Konstıtýsııasyna ózgertýler men tolyqtyrýlar engizý týraly» Qazaqstan Respýblıkasy zańynyń jobasy týraly áńgimelep berdi. Sóz arasynda túzetýlerdiń bir bóligi bılik ókilettikterin qaıta bólýge jáne el Parlamentiniń rólin kúsheıtýge baǵyttalatyndyǵyn egjeı-tegjeıli baıandady. Máselen, el Prezıdentiniń eshbir saıası partııanyń múshesi bolmaıtyndyǵy, al, onyń týystarynyń saıası memlekettik qyzmetshiler nemese kvazımemlekettik sektor sýbektilerine basshylyq jasaýǵa quqyǵy joq ekendigi de aıtyldy. Taǵy bir túzetýde Qazaqstannyń jeri men jer qoınaýyndaǵy qazba baılyqtyń menshik quqyǵy halyqqa tıesili bolmaq. Al memleket menshik quqyǵyn halyq atynan júzege asyratyn bolady.
Kezdesý barysynda Natalıa Dementeva Konstıtýsııaǵa engiziletin ózgerister óńirlerdegi ákimderdiń, barlyq deńgeıdegi halyq qalaýlylarynyń jaýapkershiligin kúsheıtýge, azamattardyń quqyqtaryn qorǵaý salasyn nyǵaıtýǵa yqpal etetindigine toqtaldy. Depýtat atap ótkenindeı, barlyq túzetýler saıası júıeni demokratııalandyrýǵa baǵyttalmaq. Túzetýler tereń maǵynaǵa jáne úlken mazmunǵa ıe. Sondyqtan árbir azamat daýys berýge qatysyp, eldiń odan ári damýy úshin óz tańdaýyn jasaǵandary abzal.
Natalıa Dementeva «Qoǵamdyq kelisim» mekemesiniń dırektory Ermek Nuǵymanovpen birge aýdandyq aýrýhana ujymymen de osy mazmundaǵydaı kezdesý ótkizip, medısına qyzmetkerleriniń suraqtaryna jaýap berdi.
Aqmola oblysy
