Sport • 16 Mamyr, 2022

«Akýla» mansabyn aıaqtaıdy

28 ret kórsetildi

Bul kúnderi Apennın túbeginde «Djıro d’Italııa» kópkúndigi ótip jatqany belgili. Katanııa men Messına aralyǵyn jalǵaǵan besinshi kezeń márege jetken bette «Astana» klýbynyń sapynda óner kórsetip júrgen Italııanyń áıgili veloshabandozy Vınchenso Nıbalı bıyl óziniń sporttyq mansabyn aıaqtaıtynyn kópshilik aldynda jarııa etti.

BAQ ókilderine suhbat bergen Nıbalı: «Men Messınaǵa jet­ken bette ózimniń otbasym, týǵan-týystarym jáne jo­ra-joldastarymdy jınap alyp, joǵarydaǵydaı sheshim qabyl­daǵanym jaıynda aıttym. Iá, sport salasynda biraz beles­terdi baǵyndyrǵanym ras. Sol úshin de Jaratýshymyzǵa myń da bir alǵys. Ár kezderi qol­daý kórsetken bapkerlerim men ko­mandalyq áriptesterime jáne jan­kúıerlerime de zor rıza­shy­lyǵymdy bildiremin. Iá, kezinde «jarys, jarys» dep jú­rip, otbasyma durys kóńil de aýda­ra almaǵan edim. Endi sol ol­qylyqtyń ornyn toltyrýym qajet», dep aǵynan jaryldy.

Úlken sportpen qosh aıtysýyn jarııa etý úshin dańq­ty sportshynyń dál osy Messı­nany tańdap alýy beker emes. Vınchenso 1984 jyldyń 14 qara­shasynda Apennın túbegi men Sısılııa aralynyń toǵysqan tusynda ornalasqan shaǵyn sha­harda dúnıege keldi. Bozbala shaǵynan velosportty serik etken ol kóptegen bıik belesti baǵyndyrdy. 2005 jyly «Fassa Bortolo» klýbynyń jeıdesin kıip, kásipqoılar arasynda baq synaı bastady. Keıinnen basqa da beldi komandalardyń namysyn qorǵady. 2013-2016 jyldary «Astananyń» sapynda óner kórsetti. Ol kezde de Vınchenso dara talantymen oqshaýlandy. Keıinnen AQSh pen Bahreınge ketti. Al byltyr ol Qazaqstanǵa qaıta oraldy. Bir sózben aıt­saq, halyqaralyq arenada «Asta­nanyń» abyroıynyń artýyna Nıbalıdiń sińirgen eń­begi aıtarlyqtaı.

Italııalyq veloshaban­doz­dyń eń zor tabystaryna toq­talsaq, ol 2010 jyly «Is­panııa Výel­tasy», 2012 men 2013 jyldary «Tır­reno-Adrıa­tıko» 2014 jyly «Týr de Frans», 2013 pen 2016 jyl­da­ry «Djıro d’Ita­lııa», 2015 pen 2017 jyl­dary «Djı­ro dı Lombardııa», 2019 jyly «Mı­­lan-San-Remo» jáne taǵy bas­qa kóptegen dúbirli doda­­nyń je­ńimpazy atandy. Dańqty sport­­shynyń ónerine súısingen jer-jahannyń jankúıerleri ony «Aký­la» dep atap ketti. Osy­­laısha, qazirgi kezde «Asta­nanyń» namysyn qor­ǵap júrgen 37 jas­taǵy Vınchenso Nı­balı bıyl óziniń sporttyq mansabyn aıaq­taýǵa bekinip otyr.

Bul sheshimge kelýine onyń osy grand-týr barysynda kúsh-jigeriniń sarqyla bastaǵanyn naqty sezinýi de sebep bolǵany kúmánsiz.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar